Sunday, September 29, 2013

ခွဲခွာခြင်းဆိုတာ.....(ညီငယ် မင်းခေါင်အလုပ်မှထွက်ခွာခြင်းအမှတ်တရ)


တကယ်တန်းကျတော့တွေ့ဆုံကြုံကွဲ ဆိုတာလူဘဝထဲမဆန်းကျယ်လှပါဖူး။ကိုယ်.... Nutek ဆိုတဲ့ Company လေးမှာ လုပ်လာခဲ့တာ အတော်ကြာခဲ့ပါပြီ၊ပထမတုံးက ကိုယ့် company မှာ မြန်မာသိပ်မရှိဖူး နှစ်ယောက်လောက်ပဲရှိတယ်၊ ဝင်လိုက်ထွက်လိုက်လုပ်ကြတာရယ် ရုံးပိုင်းဆိုင်ရာတွေမှာမို့
ရင်းနှီးကျွမ်းဝင်မှု သိပ်မရှိခဲ့ဖူး။နောက်ပိုင်းမှာ ကိုယ့် ဌာနမှာရောတခြားဌာနမှာပါ
မြန်မာအင်ဂျင်နီယာတွေရောက်လာကြတယ်။အားလုံးနီးပါးကိုယ့်ထက်ငယ်ကြသူတွေသူတို့ရောက်လာတော့ စကားတွေပြော၊အလုပ်ကိစ္စတွေပြော၊သူတို့မသိသေးတဲ့companyအကြောင်းတွေပြောပြရင်းညီအစ်ကိုတွေ ချစ်ချစ်ခင်ခင်နေလာခဲ့တယ်။ကိုယ်ကအကြီးဆုံးဆိုတော့ဆဲတန်ဆဲ၊ဆူတန်ဆူသင်စရာရှိသင်ပေးရင်းနဲ့
အချိန်ကာလတွေကို ဖြတ်သန်းလာခဲ့ကြသည်။ တခါတရံညီအစ်ကိုတွေစုပြီး စားကြသောက်ကြ 
ပျော်စရာလေးအချိန်လေးတွေကိုအလုပ်ထဲစိတ်ဖိစီးအခါ ဖြေဖျောက်ခဲ့ကြတယ်။လူငယ်တွေဆိုတော့လည်း
တယောက်တမျိုးစီ၊စိတ်ဓါတ်လေးတွေမတူသလို စိတ်ပါဝင်စားမူ့ခြင်းလေးတွေကွာတယ်၊အမြင်လေးတွေ အတွေ့အကြုံလေးတွေလည်း ကွာခြားကြတာတွေ့ရတယ်။ကိုယ့်အတွက် အားရှိစေလာတာက ကိုယ့်ဌာနကိုရောက်လာတာmechanicalengသုံးယောက်၊ပညာတတ်လေးတွေပါတယောက်က
မြန်မာပြည်ကMasterအင်ဂျင်နီယာ၊ကျန်တဲ့နှစ်ယောက်က မြန်မာပြည်မှာB-tech ပြီးလို့စလုံးမှာ
ကျောင်းဆက်တက်နေတဲ့သူတွေပါ။ တခုပဲလွဲသွားတာက ကိုယ်ကElectrical က သူတို့က Mechnical ဖြစ်နေတာလေးတခုပါပဲ၊ ဒါဟာလည်း ပြောစရာမဟုတ်ပါဖူး ။သူတို့ရောက်လာတော့ ကိုယ့်အတွက်အားဖြစ်စေသလို မြန်မာဆိုတာ အင်ဂျင်နီယာနယ်ပယ်ထဲအတော်များများရှိတယ်၊
မြန်မာဆိုတာအလုပ်သမားတွေကြီးမဟုတ်ဖူးဆိုတာ Company က လူတွေကို သိသာစေခဲ့ခြင်း
တခုမို့ဂုဏ်ယူစွာလက်တွဲခေါ်ခဲ့ပါတယ်။ကိုယ်က ကျောင်းပြီးခဲ့တာက electronics ဆိုပေမဲ့မိဘစီးပွားရေး
ဖြစ်တဲ့ mechanical ကို ငယ်ငယ်လေးထဲက အကြွင်းတဝင်ရှိခဲ့တာ၊ Mechanical ,Machine tool ဆိုတာကိုယ်တိုင်လုပ်ခဲ့ဖူးတာမို့ သူတို့အတွက် စိတ်ကူးလေးတွေအထောက်အပံ့ပေးနိုင်ခဲ့တယ်။ စက်တလုံးစဆင်တော့မယ်ဆို သူ့တို့က ဒီဇိုင်းထုတ်ပြီး ကိုယ့်ဖက်က Control panel တွေလုပ်ရတယ်။ သူတို့ဖက်က စက်လုံးပုံပေါ်ပြီဆို ကိုယ့်တွေက panel တပ်ပြီးလိုအပ်တဲ့ wiring တွေလုပ်ရတယ်။
သူတို့နဲ့ကိုယ့်ကြားမှာညှိနှိုင်းစရာက electrical အတွက် လိုအပ်တဲ့bracket တွေပဲ ဘယ်လို လုပ်မယ် ဘာတွေလိုအပ်တယ်ဆိုတာကို ညီအစ်ကိုတွေ တိုင်တိုင်ပင်ပင်လုပ်တော့ကိုယ်တွေ မြန်မာအုပ်စုကို နည်းနည်းတော့ ရှိန်လာတယ် ။ဌာနမှာ တကယ်တန်းဖိုက်နေရတာက မြန်မာနဲ့မလေးအုပ်စုပဲ၊
Companyမှာကွာခြားလာတာကတခြားမလေးအင်ဂျင်နီယာတွေဆိုတခုခုလုပ်ချင်လို့ခေါ်ရင်
တော်တော်နဲ့ဆင်းမလားဖူး ။update လုပ်ခိုင်းရင်လည်းချက်ချင်းမလုပ်ဖူး ၊မလုပ်တော့ နောက်တခါ စက်ထပ်လာတော့ မှားနေတဲ့bracket တွေပဲထပ်မှာထားတော့ အလုပ်လုပ်ရတာအဆင်မပြေဖူး
ကိုယ့်မြန်မာတွေကြတော့အထက်အောက်ရိုသေမူကြီးသူငယ်သူလေးစားမူရှိတော့အကြောင်းရှိလို့ခေါ်တာနဲ့
ချက်ချင်းဆင်းလာတယ်၊လိုအပ်တာလုပ်ခိုင်းရင် ချက်ချင်းလုပ်တော့ အောက်ခြေ technician တွေက သဘောကျတယ်။မြန်မာအင်ဂျင်နီယာတွေလုပ်သမျှ စက်တွေအတွက် Electrical
လုပ်ဖို့ကတော့ကိုယ့်စီကိုရောက်တာများသလို့ကိုယ့်ကိုပဲပေးလုပ်တယ်။ ညှိနှိုင်းတိုင်ပင်လို့ရတာရယ် စက်အတွက် သူတို့ခေါင်းစားစရာမလိုတာကြောင့် ကိုယ်တွေညီအစ်ကိုပဲ လုပ်ရတယ်။ အတွေ့အကြုံ အသစ်တွေနဲ့တွေ့ရတာရယ် ဆင်းသက်လာတဲ့နယ်ပယ်မတူတာတွေရှိတာကြောင့် ကိုယ့်မြန်မာ
အင်ဂျင်နီယာတွေမှာလည်းအမှားတွေပါသလို့စိတ်ကူးစိတ်သန်လေးတွေမတူတော့အဆင်မပြေတာတွေ
ရှိကြတယ်။အဲ့ဒီအခါမျိုးဆိုရင်တော့ကိုယ်သူတို့ဖက်ကနေ ရပ်တည်ပြီး အပင်ပန်းခံဖြေရှင်းပေးတယ်။
ကိုယ့်မြန်မာတွေအပြောမခံရအောင်အတတ်နိုင်ဆုံးကူညီပေးခဲ့တယ်။ကိုယ်သူတို့ကိုအမြဲတမ်းပြောပြခဲ့တာ 
ကိုယ်ဘာကြောင့် ဒီ company ကိုရောက်လာတယ်၊ ဘယ်လိုရောက်လာတယ်ဆိုတာကို ကြုံတိုင်းပြောပြဖြစ်ခဲ့တယ်။ဒါဟာလည်းကိုယ်ရည်သွေးပြောချင်တာမဟုတ်ပါဖူး။ ဘယ်လိုအခက်အခဲတွေနဲ့ဘယ်လိုတွေလုပ်ပြခဲ့လို့အခုလို ဒီနေရာမျိုးကို ရောက်ခဲ့ရပြီး မြန်မာတွေကို အထင်မသေးရခြင်းအကြောင်းကို ပြောပြခဲ့တယ်။ ကိုယ့်လိုပဲ သူတို့ကိုလည်းအထင်ကြီးစေချင်တယ်။
မလုပ်တတ်ဖူး၊မသိဖူးဆိုတာကို မဖြစ်စေချင်တာကိုယ့်ဆန္ဒအမှန်ပါ။ ကိုယ့်တုန်းက ဒီ company မှာ
အဌားအလုပ်သမားတရက်(၂၄)ဒေါ်လာဘဝ၊ စနေ တနင်္ဂနွေ လုပ်လည်း (၂၄)ကျပ်ဘဝနဲ့ အဆောင်မှာ
ဆင်းဆင်းရဲရဲနေခဲ့ရာက supervisor ၊ manager တွေ ကြိုက်အောင်လုပ်ပြခဲ့လို့ Spass လေးရ Company ဝန်ထမ်းဖြစ်လာ ပြီးတော့ PR ဖြစ်ရပြီး အခုလို compnay မှာ နေရာလေးတခုရလာခဲ့တာပါ။
ကြုံတိုင်းဆိုသလို ပြောပြဖြစ်တာက မင်းတို့ကို ကူညီတာ ဘာပုဂ္ဂိုလ်ရေးမှမပါဖူး။ ဘယ်သူမို့လို့ ဘယ်ဝှာမို့လို့ဆိုတာမရှိဖူး။ဒီCompanyသမိုင်းစဉ်တလျှောက်မှာ မြန်မာကနာမည်တလုံးနဲ့နေလာတာမို့
မြန်မာတွေ နာမည်မပျက်အောင် မြန်မာဆိုတာ တတ်သိနားလည်တဲ့ ကောင်တွေဆိုတာ
မြန်မာဆိုတာ အလုပ်သမားတွေကြီးပဲ မဟုတ်သလို သူများတွေကို ခိုင်းနိုင်တဲ့ အင်ဂျင်နီယာတွေလည်းရှိတယ်ဆိုတာ သိစေချင်လို့မင်းတို့ကို တတ်စွမ်းသမျှ ကူညီထောက်ပံ့နေတာလို့လမ်းပြသွန်သင်ခဲ့တယ်။ နောက်တခုက အေး.....မင်းတို့ကငယ်သေးတယ် ပညာဂုဏ်နဲ့လုပ်စားကိုင်စားရမဲ့အချိန်တွေရှိသေးတာမို့ဘယ်တော့မှ Company တခုထဲမှာတိုးတက်မှုမရှိပဲနဲ့တော့ ဘယ်တော့မှမနေနဲ့ ပြောင်းစရာရှိတာပြောင်း ၊ ငယ်တုန်းအချိန်မှာပဲ လမ်းသစ်ဖောက်ရမှာမို့အခွင့်အရေးရရင်ပြောင်းသာပြောင်းလို့အမြဲတိုက်တွန်းခဲ့တယ်။အခုတော့လည်း တနှစ်ခွဲဆိုတဲ့ကာလလေးထဲမှာဆိုးတူကောင်းဖက်လုပ်လာတဲ့ညီအစ်ကိုတွေထဲကတယောက်သောညီကတော့ အလုပ်သစ်ရလို့လက်ပြထွက်ခွာသွားခဲ့လေပြီ။ နောင်တချိန်မှာဘယ်သူတွေထွက်ခွာလို့ဘယ်သူတွေဆက်ရှိနေမယ်ဆိုတာ
ဘယ်သူမှမသိနိုင်ပေမဲ့ကိုယ့်ကတော့ကိုယ့်ကျေးဇူးရှင်လည်းဖြစ်ကိုယ့်ဘဝကိုအခြေခံအလုပ်သမားဘဝကနေ အခုလိုအနေအထားမျိုးဖြစ်လာအောင်မြေတောင်မြှောက်ပေးခဲ့တဲ့ဒီcompanyမှာ သောင်တင်ကျောက်ချနေရအုံးမှာပါပဲ နောက်ဆုံးတော့လည်းကိုယ်တယောက်တည်းပဲကျန်လို့ နောင်ရောက်လာမဲ့ရွှေညီအစ်ကိုတွေရှိခဲ့မယ်ဆိုလည်း ဝမ်းသာစွာလက်ကမ်းကြိုလို့
မြန်မာတွေနာမည်မပျက်အောင်၊
မြန်မာတွေနာမည်ကောင်းရဖို့၊
မြန်မာဆိုတာ ဘာလိုလူတွေလည်း ဆိုတာသိအောင်တော့ 
ကိုယ်....... မင်းတို့နောက်မှရပ်လို့လမ်းပြသွန်သင်နေအုံးမှာပါကွာ။

အမေ့သား
(၂၉-၉-၂၀၁၃)
ညီငယ် မင်းခေါင်ထွက်ခွာခြင်းအမှတ်တရ

Tuesday, March 12, 2013

ချစ်သူဖတ်ဖို့ (၃)


နှစ်တွေသာ
တနှစ်ပြီးတနှစ်
ပြောင်းလဲလာတယ်
အချစ်တွေကတော့ 
မပြောင်းလဲနုပျိုဆဲ

အသက်တွေသာ
အိုမင်းရင့်ရော်လာတယ်
အကြင်နာမေတ္တာတွေက
မအိုမင်း လန်းဆန်းဆဲ

ရာသီတွေသာ
နွေ၊ မိုး၊ ဆောင်း
ပြောင်းချင်ရာပြောင်းနေတယ်
နားလည်မှု့တွေကတော့
တသတ်မတ်ကြည်လင်နေဆဲ

တနေ့နေ့မှာ
ကိုယ်သာ သေသွားမယ်
ကိုယ့်ဝိညာဉ်ရင်ခွင်နွေးက
ထွေးပွေ့နေဆဲ

တနေ့နေ့မှာ
ချစ်သူသာသေသွားမယ်
ချစ်သူရင်ငွေ့ရနံ
သင်းပျံ့နေဆဲ

မသေခင်အချိန်များတော့
ဆံဖြူလို့သွားကြိုး
တုတ်ကောက်နဲ့
လမ်းလျှောက်သွားလည်း
ချစ်သူအပါး အမြဲခစား
ပြုံးပြုံးလေးနေပေးမယ်

အမြင်တွေမှုန်ဝါး
ဇရာကစကားပြောလို့
အမောတွေများလာရင်လည်း
ကိုယ့်ဘေးနားက ချစ်သူအား
အပြုံးလေးနဲ့ ထွေးပွေ့ခွင့်ပေးပါလို့
ဆုတောင်းရင်း..........
သံသရာမဆုံးသမျှချစ်ကြမယ်
ချစ်သူ........

အမေ့သား
(၁၂-၃-၂၀၁၃)

ချစ်သူဖတ်ဖို့ (၁)


ချစ်သူရေ....ဒီနေ့မှာကျရောက်မဲ့
ကိုယ်တို့ရဲ့ မင်္ဂလာ(၇)နှစ်ပြည့်အမှတ်တရအတွက်....

ချစ်သူဖတ်စေဖို့ ဒီကဗျာလေးရေးလိုက်တယ်

၁၉၉၉-၆-၃၀ရက်နေ့ကစလို့
စက္ကန့်ပေါင်း (၁၈၉၂၁၆၀၀၀)စက္ကန့်
မိနစ်ပေါင်း (၃၁၅၃၆၀၀)မိနစ်
နာရီပေါင်း (၅၂၅၆၀)နာရီ
ရက်ပေါင်း (၂၂၃၂)ရက်
လပေါင်း (၉၃)လ
နှစ်ပေါင်း (၇)နှစ်
ချစ်ခဲ့ကြပြီးမှ၊

၂၀၀၆-၃-၁၂ရက်နေ့မှာ
နှစ်ယောက်တအိပ်မက်ဘဝနဲ့
နှစ်ပေါင်း (၇)နှစ်
လပေါင်း (၉၆)လ
ရက်ပေါင်း (၂၅၅၅)ရက်
နာရီပေါင်း (၆၁၃၂၀)နာရီ
မိနစ်ပေါင်း (၃၆၇၉၂၀၀)မိနစ်
စက္ကန့်ပေါင်း (၂၂၀၇၅၂၀၀၀)စက္ကန့်
သေတူရှင်မကွာ
အေးအတူပူအမျှ နေခဲ့ကြတာ  
သက္ကလပ် ရတုတိုင်လေပြီ။

သက္ကလပ်ရတုမှစပြီး
နောင်ရတုပေါင်းများစွာ
နှစ်ပေါင်းများစွာ
လပေါင်းများစွာ
ရက်ပေါင်းများစွာ
နာရီပေါင်းများစွာ
မိနစ်ပေါင်းများစွာ
စက္ကန့်ပေါင်းများစွာ
စွယ်တော်ရွက်လို
မခွဲတူယှဉ်လျက်
ချစ်လျက်ပါ ကလေးငယ်ရယ်။

အမေ့သား
(၁၂-၃-၂၀၁၃)

ချစ်သူဖတ်ဖို့ (၂)



ချစ်သူရေ....ဒီနေ့မှာကျရောက်မဲ့ 
ကိုယ်တို့ရဲ့ မင်္ဂလာ(၇)နှစ်ပြည့်အမှတ်တရအတွက်....
ချစ်သူဖတ်စေဖို့ ဒီကဗျာလေးရေးလိုက်တယ်။
ဒီဇာတ်လမ်းလေးထဲကလို...ဆံဖြူသွားကျိုးတဲ့အထိ
ချစ်ကြမယ်နော်.....ချစ်သူ










(၃၀-၆-၁၉၉၉)
 

ညီမလေးလို အချစ်မျိုးနဲ့
ချစ်ခဲ့ရပြီးမှ တိတ်တခိုး
ပေါက်ဖွား ရင်ထဲက
ချစ်စကားတွေ ဖွင့်ပြောခဲ့တဲ့
ရွှေသန်လျင်ကျွန်းက
ကျိုက်ခေါက်ဘုရားကိုရော
မင်းမှတ်မိသေးရဲ့လား ။ ။

မနက်ဆို (၃)လမ်းကြားကစောင့်လို့
မင်းကျောင်းသွားချိန်လေး
မင်းဘေးမှာမခွဲအတူနေမြဲ
မင်း ခြင်းလေးကိုဆွဲပေးခဲ့လို့
သူငယ်ချင်းများက
ခြင်းဆွဲလို့ကင်မွန်းတက်
အပြုံးမပျက်ပဲ
အပါးတော်မြဲနေခဲ့တာရော
မင်းမှတ်မိသေးရဲ့လား ။ ။

မင်းကျောင်းကိုရောက်တော့
မင်းကကျောင်းထဲသွား
ကိုယ်က အဆောင်မှာဖဲရိုက်
မင်းမကြိုက်ပေမဲ့
မင်းပိုက်ဆံအိတ်ကိုယ့်ကိုပေးလို့
ဒီဖက်တခြမ်းကပဲသုံးလို့
ပြောခဲ့တာရော
မင်းမှတ်မိသေးရဲ့လား ။ ။

မင်းအိမ်ကိုအလည်လာ
မင်းမသိတဲ့Drawingတွေ သင်ပေးရင်း
မင်းလက်ကလေးကိုကိုင်
မင်းနားမှာအတူထိုင်လို့
ပျော်ရွှင်ခဲ့တာရော
မင်းမှတ်မိသေးရဲ့လား ။ ။


အတန်းလစ်ပြီး
မြို့ထဲအသွား
ပန်းဆိုးတန်းမှတ်တိုင်မှာ
မင်း အဖေ ကားထိုးအဆိုက်
မင်းကိုအတင်းတွန်းလို့ပြေးပုန်း
ပန်းခြုံကြားက ကိုယ့်အဖြစ်ကိုရော
မင်းမှတ်မိသေးရဲ့လား ။ ။

ကထိန်မှာတူစုံယှဉ်တွဲ
ထီး သင်္ကန်း အစုံ
လှူတန်းခဲ့ပြီး
မင်းမိဘတွေလာလို့
နာမည်တွေပြေးကာရတဲ့
ကိုယ်တို့လမ်းက ကထိန်ပွဲကိုရော
မင်းမှတ်မိသေးရဲ့လား ။ ။

သင်္ကြန်မှာ မင်းတို့အိမ်ကကားနဲ့
လျှောက်လည်ကြတော့
အေးလို့တုန်နေတဲ့မင်းကို
မင်းအမျိုးတွေမသိအောင်
ရင်ခွင်ထဲထွေးဖက်
အနွေးဓါတ်ပေးခဲ့တာရော
မင်းမှတ်မိသေးရဲ့လား ။ ။
..........................
..........................
..........................
မင်းမှတ်မိသေးရဲ့လား
ကိုယ့်မှာတော့ ပြောစရာတွေ
အများကြီးကျန်သေးတယ်
တူစုံလက်တွဲပျော်မြူးခဲ့တဲ့
ချစ်သူဘဝ (၇)နှစ်တာကာလအတွက်ပေါ့

(၁၂-၃-၂၀၀၆)
 
အခုတော့
နှစ်ယောက်တစ်ဘဝတည်ထောင်လို့
မင်းဘေးမှာ အမြဲတမ်းအတွက်
ကိုယ်ရံတော်တပ်မှူး၊
မင်းအနားက ထာဝရအတွက်
အပါးတော်မြဲ၊
မင်း နာမကျန်းတော့ မင်းအတွက်
အကြင်နာသမားတော်၊
မင်းစေရာ ညွန်းဖို့အတွက်
မင်းအလိုလိုက် မင်းအကြိုက်ဆောင်ရင်း
ကိုယ့်အလိုလိုက် ကိုယ်အကြိုက်ဆောင်
သက္ကလပ်ရတုတိုင်လို့
မင်္ဂလာနှစ်ပတ်လည်
(၇)နှစ်ပြည့်ခဲ့လေပြီ။ ။

မရှိတော့လည်း အတူတူ
ရှိတော့လည်းအတူတူ
မင်းငိုရင် ကိုယ်အားပေးနှစ်သိမ့်
မင်းပျော်တော့ ကိုယ်ကြည်နုး
ကိုယ့် အတွက် မင်းက အနာဂတ်
ကိုယ့်အတွက် မင်းက လင်းရောင်ခြည်
ကိုယ့်အတွက် ကိုယ်လိုချင်တဲ့
တို့ရင်သွေး. မင်းမမွေးပေးနိုင်ပေမဲ့
ကိုယ် စိတ်မညစ်ဖူး ချစ်သူ
ကိုယ် အားမငယ်ဖူး ချစ်သူ
ကိုယ် ဝမ်းမနည်းဖူး ချစ်သူ
ကိုယ့်နားမှာ မင်းရှိ
မင်းနားမှာ ကိုယ်ရှိနေရင်
အရာရာပြီးပြည့်စုံပါတယ်။
သက္ကလပ်ရတုမှစပြီး
နောင်ရတုပေါင်းများစွာဖြတ်သန်းလို့
မခွဲအတူလက်တွဲဆက်ချစ်ကြမယ်......... ချစ်သူ

(၁၂-၃-၂၀၁၃)


အမေ့သား
(၁၂-၃-၂၀၁၃)

Sunday, March 10, 2013

အပယ် ခံနေ့ ( သို့).သတ်ပုံ မှားတဲ့နေ့



မောင်မျိုးရေ...........
မောင်မျိုး....................” ဗျာ”

ခေါ်သံကို ပြန်ထူးရင်း ဘယ်သူလဲဗျို့ ဟု ပြန်ပေးမိသည်။
ဦးတင်ဝင်းနဲ့ဦးလှသောင်းတို့ ကိုကြီးဟု. ညီမငယ် အိမ်ရှေ့မှလှမ်းအော်သည်။
လာပြီ ......လာပြီ.........ဗျို့
ကသောကမျော အဝတ်အစားဝတ်ပြီး အိမ်ရှေ့ထွက်တော့ ဦးလေးကြီး နှစ်ယောက်
ရှင်းရှင်းပြောရရင်တော့ ကျွန်တော်သူငယ်ချင်းနှစ်ယောက် ဘော်ဘော်နှစ်ယောက်ပေါ့
ဦးတင်ဝင်းက (၆၀)ကျော်....
ဦးလှသောင်းက (၇၀)နီးနီး .....ကျန်သေးတယ်ဗျ
ဦးထွန်းနိုင်..... သူက တော့ (၅၇)လောက်ရှိမည်၊
သူတို့(၃)ယောက်သည် ကျွန်တော်နဲ့ လုပ်ဖော်ကိုင်ဖက်
သူငယ်ချင်းတွေ ဆိုပါတော့ .........ဪ ကျွန်တော်အသက်ကတော့
(၂၅)တောင်မပြည့်တန်သေးပါ.....

ခုလည်း လက်ဖက်ရည်ဆိုင်သွားဖို့လာခေါ်ခြင်းသာဖြစ်ရမည်။
ဟာ........ ဦးတင်နဲ့ဦးလေးလှ....... ဆိုဗျာ........ .....ဘာကိတ်
ဆို လည်း မလုပ်နဲ့ ဘာကိတ်တွေညာကိတ်တွေလည်းမလုပ်နဲ့ မြန်မြန်လာဆိုင်သွားမယ်၊
ဟိုကောင် ထွန်းနိုင် ဆိုင်မှာစောင့်နေတယ်။

ဪ..... မောင်မျိုး မင်း လက်နက်တွေယူလာအုံး၊ မင်းရော ဘာဂွင်တွေ တွေ့ထားသေးလဲ။
ဟိုကောင်ကတော့ အပိုင်လို့ပြောတာပဲကွ........
ဒါဆို ခဏလေး သွားယူလိုက်အုံးမယ်...... ပြောပြောဆိုဆို ကျွန်တော် အိမ်ပေါ်ပြေးတက်ပြီး
အခန်းထဲက လက်နက်ကိရိယာတွေယူပြီး ပြန်ထွက်လာခဲ့သည်။
ကဲ .....သွားမယ်ဦးလေး..

(၃) ယောက်သား လမ်းထိပ်က မောင့်လက်ဖက်ရည်ဝိုင်းဆိုင်လေးသို့ချီတက်ခဲ့ကြသည်။ ဆိုင်ရှေ့ရောက်တော့ ကျွန်တော်တို့ရဲ ဘုံ....... တနည်းအားဖြင့် ဗိမ္မာန်  
တမျိုးပြောတော့ ဘူမိနသံ နေရာ ဆိုင်ထောင့်လေးမှာ ဦးထွန်းနိုင်က နေရာယူလျက်
ဦးလေးတို့ကလည်း ကြာလိုက်တာဗျာ.........
မောင်မျိုး ကို ဝင်ခေါ်နေတာဟ........ မင်းကလည်း ခဏလေးစောင့်ရတာကို ဖြစ်နေလိုက်တာကွာ
ညီလေးရေ. ......လက်ဖက်ရည် (၃)ခွက်ဟေ့.......
ဦးထွန်းနိုင်က လက်ဖက်ရည်လှမ်းမှာ ကျွန်တော်တို့က နေရာကိုယ်စီ ယူလိုက်ကြသည်။
ကျွန်တော်ကိုယ်တိုင်လည်း အိမ်ကယူလာသော လက်နက်များကို စားပွဲပေါ် တင်လိုက်သည်။

ဦးထွန်းနိုင်က သူရဲ့ လက်နက်တချို့မြေပုံတချို့ထဲမှာ ဆွဲထုတ်ပြီး........
အနေအထားကတော့ အပိုင်ပဲဗျ ....ဒီဂွင်...... ဒီလမ်းကြောင်းကို စောင့်ကြည့်နေတာ
(၄)နှစ်လောက်ရှိပြီဗျ၊ ဒီတခါကတော့ အပိုင်ပဲ ဒီမှာကြည့့်ဆိုပြီး...........
လမ်းကြောင်းက..... ဒီကစမယ်၊ ပြီးတော့ ဒီဖက်ကိုလာတယ် နောက်တော့ ဒီထိပ်ကိုပြန်ရောက် အခုဒီကိုသေချာပေါက်လာရတော့မယ်။ စောင့်ပြီး အပိုင်သိမ်းရုံပဲ ....ဟုတ်တော့အတော်ဟုတ်သည် သူပြောသွားပြသွားတဲ့အနေအထားကတော့ အချီကြီးပဲ......

မောင်မျိုး မင်းဖက်ကရော ဘာထူးခြားသေးလဲ?
သိပ်အထူးခြားတော့မဟုတ်ဖူး... တချက်ကောင်းလေးတွေတော့ရှိတယ်၊သတိတော့ထားရမဲ့
အနေအထားလေးတွေ... ဂွင် အသေးလေးတွေပါ။ ဦးထွန်းနိုင် ဂွင်လောက်တော့ မမိုက်ပါဖူး၊
အေးပြစမ်းပါအုံး .......မင်း အနေအထားလေးတွေ၊ ကျွန်တော် ဟာလေးတွေကသိပ်အကြာကြီးမဟုတ်ဖူးဗျ
အနီးကပ်လေးတွေ တချက်ကောင်းလေးတွေပါ၊ ဒါပေမဲ့မိလိုက်ရင်လည်း အပြတ်ပဲနော်......

ဒီမှာကြည့်..... ကျွန်တော်လည်း ကျွန်တော်လက်နက်တွေ၊မြေပုံတွေထုတ်ပြီး
ဒီကောင်ကတော့ တော်တော်ငြိမ်တယ၊် သူပြီးရင်ပြီးတယ်၊သူက ဟိတ်...ဆို လှည့်ကြည့်စရာကိုမလိုတာ လွှတ်သာပစ်လိုက်ဗျာ ......အဲ့လောက်စိတ်ချရတာ ကဲ... ကဲ ဒါဆိုလည်း နောက်ဆုံးပိတ်လေးလုပ်လိုက်ကြကွာ၊ ရက်ကနီးနေပြီ. ဒီနေ့(၁၃)ဆိုတော့ နောက် (၃)ရက်ပဲလိုတော့တာကွ။ ဦးလေးတင်နဲ့ဦးလေးလှက ဝင်ပြောရင်းကျွန်တော်တို့စီမံကိန်းအတွက်
အဆုံးအဖြတ်လုပ်ရန် လေးယောက်သားခေါင်းချင်းဆိုင်လိုက်ကြသည်။

ထိုအချိန်တွင် ကျွန်တော်မျက်ဝန်းထောင့်မှ အရိပ်တခုလှမ်းတွေ့လိုက်ရသည်။
သတိထားမိတာတော့ ဆိုင်ကိုစဝင်လာကတည်းက ကျွန်တော်တို့ဘေးခုံမှာထိုင်နေတဲ့ ကုလားတယာက်ကိုဖြစ်သည်။ကျွန်တော်တို့ပြောသမျှ နားစွင့်နေသလို၊ တချက်တချက် လှမ်းလှမ်းကြည့်နေသလို ခုလည်း နောက်ဆုံးအဆုံးအဖြတ်အတွက် ရွေးချယ်တော့မည်ဆိုမှ
ဒင်းက တချက် ထပြီး စောင်းငဲ့ကြည့်ပြန်သည်၊ ဖျတ်ကနဲ့လှည့်ကြည့်လိုက်တော့ မသိသလိုနဲ့
တဖက်သို့လှည့်သွားသည်။
 
ကျွန်တော်တို့လည်း ကဲ.... ဒီအစီအစဉ်နှစ်ခုတော့ မလုပ်ဖူးကွာဆိုပြီး ဦးထွန်းနိုင်ကမှင်နီနဲ့ဝိုင်းလိုက်သည်။
ကျန်တဲ့နှစ်ခုတော့ အပိုင်လုပ်မယ်ကွာဆိုပြီး အဆုံးအဖြတ်ယူလိုက်ကြသည်။ ဘေးဝိုင်းကကုလားလည်း ဆတ်ကနဲ့တချက်ကြည့်ပြီး မသိသလို လက်ဖက်ရည်ဆက်သောက်နေသည်။
ကျွန်တော်တို့(၄)ယောက်လည်း အသီးသီးလမ်ခွဲခဲ့ကြသည်၊ သတ်မှတ်ထားတဲ့ရက်ကိုရောက်ခဲ့ပေမဲ့
ကျွန်တော်တို့စီမံကိန်း မအောင်မြင်ခဲ့ပါ။ဒါဟာလည်း သိပ်မထူးဆန်းတော့ပေ။ အဆင်ပြေတဲ့အခါရှိသလို
မပြေတာလည်းရှိနိုင်ခြင်းပင်။နောက်တော့လည်းထုံးစံအတိုင်းလက်ဖက်ရည်ဆိုင်ကိုလာနောက်စီမံကိန်းတွေ
အတွက်အစီအစဉ်သစ်တွေထပ်ဆွဲကြရင်းနဲ့ လေးယောက်သားဟုတ်နေကြသည။်

ဦးလေးတို့ရေ.......အိမ်ကထွက်လာတာလည်း အတော်ကြာပြီ.....
ကဲ. ......ဒီနေ့တော့ တော်ပြီ ပြန်တော့မယ်ဆိုပြီး ......ညီလေးရေ ရှင်းမယ်ဟေ့..... စားပွဲထိုးလေးကို လှမ်းခေါ်တော့...... ကောင်လေးက အစ်ကို ဟိုဖက်ဝိုင်းက အစ်ကိုက အားလုံးရှင်းပြီးသွားပြီတဲ့.......
ဟေ................... ဘယ်သူလဲကွ...?
တို့အသိလား .......မေးမေးပြောပြောလှမ်းကြည့်လိုက်တော့ ကုုလားမိသားစုတစ်စု
ကုလားကပြုံးပြီး လက်ပြသည်၊ ကျွန်တော်လည်း ရောယောင်ပြန်ပြုံးပြီး လက်ပြန်ပြမိသည်။
ခဏကြာတော့ ကုလားက သူ့မိန်းမဟုထင်ရသော ကုလားမကို တိုးတိုးပြောပြီး ကျွန်တော်တို့ဝိုင်းသို့ထလာသည်။ ရောက်လာတော့ ......ဆရာ ကျွန်တော်ကိုမှတ်မိလား...
ကျွန်တော်သေသေချာချာကြည့်သည၊်........မမှတ်မိပါ လုံးလုံးမသိ.... သေချာတာကတော့ ကျွန်တော့်အသိထဲကမဟုတ်တာပဲ.....
ဦးလေးတင်............. သူကိုသိလားဟု ဘေးက ဘော်ဘော်တွေမေးတော့လည်း
ငါတို့လည်းမသိဖူးကွ၊.. ထားပါတော့ မင်းက ငါတို့ဖို့ပိုက်ဆံဘာလို့ရှင်းတာလဲ....
ဆရာတို့က ကျွန်တော့်ကျေးဇူးရှင်တွေမို့ပါ၊ ကျွန်တော်တောင်ဒီလောက်ရတယ်ဆိုမှတော့ာ
ဆရာတို့လည်း ထော်ပြီပေါ့ ဟုတ်တယ်....... မဟုတ်လားဆရာ

နေစမ်းပါအုံး........မင်းက ဘာတွေလာပြောနေတာလဲ
သေသေချာချာရှင်းရှင်းလင်းလင်းပြောစမ်းပါကွာ .......ဒီလိုဆရာ
ကျွန်တော် ဆန်အိတ်ခွံတွေဝယ်တယ၊် ပြီးတော့ပြန်ရောင်းတယ်...
အဆင်မပြေဖူးဆရာ. အိမ်မှာကလေးကလည်း(၃)ယောက၊်ယောက်က္ခမကလည်းဗြစ်တောက်ဗြစ်တောက်နဲ့
အတော်စိတ်ညစ်နေတာ.....
ဟိုတပတ်က ဒီလက်ဖက်ရည်ဆိုင်မှာ လက်ဖက်ရည်ဝင်သောက်နေတုံး
ဆရာတို့ပြောစကားတွေကြားတော့ ကျွန်တော် အရမ်းကိုသိချင်လာတယ်၊
ဒါကြောင့် အသာလေး ခိုးနားထောင်လိုက်၊ မသိမသာလေး ခိုးကြည့်လိုက်လုပ်နေတာလေ
ဒီဆရာတောင် ကျွန်တော်ကို သင်္ကာမကင်းဖြစ်နေသေးတယ်လေ.....
ပြီးတော့ ဆရာတို့သွားခါနီးမှာ ဆရာတို့စာအုပ်ပေါ်ကြည့်လိုက်တော့
မှင်နီနဲ့ဝိုင်းထားတဲ့ ဂဏန်းနှစ်ကွက်တွေ့တယ်ဆရာ...ကျွန်တော်လည်းမှတ်ထားပြီး
ရပ်ကွက်ထဲရောက်တော့ အပိုင်ဆိုပြီး ကျွန်တော့်ရှိတဲ့ပိုက်ဆံနဲ့
အောလိုက်တယ်ဆရာ... ထင်တဲ့အတိုင်းပဲ မှင်နီနဲ့ဝိုင်းထားတဲ့အထဲက
ဂဏန်းတခုက ထွက်သွားတယ်လေ၊ မှင်နီနဲ့ဝိုင်းထားမှတော့ သေချာတာပေါ့ဆရာ....
မဟုတ်ဖူးလား...... အခုဆို ယောက္ခမလည်း ပါးစပ်ပိတ၊် မိန်းမ ကလည်း
အနဲ..... အနဲ...နဲ့ဖူးဖူးမှုတ်ထားတယ်ဆရာ၊ ဆရာတို့ကို ကျေးဇူးအရမ်းတင်ပါတယ်၊
ကန်တော့တောင် ကန်တော့ချင်တယ၊် ကုလားပြောနေသော စကားများကို
ကျွန်တော်တို့လေးယောက် မကြားတချက် ကြားတချက်ဖြင့် နားထောင်နေမိသည်။

ကုလားကထပ်ပြီးတော့ ဆရာတို့ရော ဘယ်လောက်ဖိုးတောင်ပေါက်လဲဟင်..... လိုထပ်မေးတော့
ကိုရွှေကုလားရယ်...... တော်ပါတော့ကွာ. မင်းကြည့်ပြီး ထိုးလိုက်တဲ့အကွက် မှင်နီဝိုင်းထားတဲ့အကွက်က ငါတို့ရဲ့ ပယ်ဂဏန်းကွ...........ပယ်ဂဏန်း သိရဲ့လား ကိုရွှေကုလားရယ် ......      
ကုလားလည်း........ဗျာ...... တလုံးပဲပြောနိုင်ပြီး သူ့ဝိုင်းကိုကုပ်ကုပ်လေးပြန်သွားထိုင်နေလိုက်တော့သည်။

ကျွန်တော်တို့ဝိုင်းလည်း အတန်ကြာတိတ်ဆိတ်ပြီး တယောက်မျက်နှာ တယောက်ကြည့်ပြီး
ဝါးလုံးကွဲ ရယ်မောမိလိုက်ကြလေသည်။

လေးစားစွာဖြင့်
အမေ့သား


Sunday, February 24, 2013

လူ...စက်ရုပ်



မနက်ခင်း နေမင်းနဲ့အတူထွက်
ညမှောင်ကာမှအိမ်ကိုပြန်
လူလိုလို စက်ရုပ်
စက်ရုပ်လိုလို လူ
ငါ့လို လူစက်ရုပ်
တကုတ်ကုတ်နဲ့လုပ်နေရပေါ့။

များပြားလှတဲ့
ငါ့လို လူစက်ရုပ်တွေ
တင်သွင်းလို့ လည်ပတ်
မရပ်နားတဲ့ဒီစက်ရုံထဲ
Bell သံကြားရင် ... လုပ်
Bell သံကြားရင်.... နား
Bell သံကြားရင်..... စား
Bell သံကြားရင်..... သွား
Bell. သံတိတ်မှ .......အိမ်ပြန်
အိပ်တန်းဝင် ဌက်တွေနဲ့အတူပေါ့

တနေ့တာလည်ပတ်
တပတ်ဆိုတာ (၇)ရက်လား
စနေ ၊ တနင်္ဂနွေ ဆိုတာ
ပြက္ခဒိန်ပေါ်က အမှတ်အသား
တနေ့၊ တပတ်၊ တလ ၊တနှစ်
ရာသီတွေသာကုန်ဆုံး
သက္ကရာဇ်တွေပြောင်းလို့
အခုဆို (၂၀၁၃)ကိုရောက်ခဲ့ပြီ။

အခုတော့. ငါသိလိုက်ပြီ
င့ါလက်တွေနှေးလာပြီ
ငါ့ခြေတွေလေးလာပြီ
ငါ့အသံတွေမမှန်တော့
ငါ့အမြင်တွေဝေဝါး
ငါ့မှတ်ညဏ်တွေမကောင်းတော့
ငါ့အတွက်အချက်တွေ မှားယွင်းလာပြီ။

ဟော..... Bell သံကြားရပြီ

လုပ်ငန်းခွင်ဝင်ရပြီ
မလှုပ်ချင်တဲ့ငါ့ခန္ဓာ
အားယူကာထလို့
လေးလံတဲ့ လက်
နှေးကွေးတဲ့ ခြေလှမ်းတွေနဲ့
မမှန်တော့တဲ့အသံကိုထိန်းချုပ်
ဝေးဝါးမှုတွေဘေးထုတ်လို့
ငါ့လို လူစက်ရုပ်
တကုတ်ကုတ်လုပ်ရအုံးမှာပေါ့


တကယ်တော့ ငါ နားသင့်ပြီ
တကယ်တော့ ငါ နားသင့်ပါပြီ
အင်း ! အခုတော့
မနက်ဖြန်အတွက်
မှေးစက်လို့အိပ်ရင်း
အားသွင်းလိုက်အုန်းမယ်။


လေးစားစွာဖြင့်
အမေ့သား

ဖွမောင်း......


မောင်း.....

တီးကြည်ပါလား....
လူသူစုရုံးဖို့အတွက်လေ...
အခု..မလိုတော့ဖူး
အရင်တုန်းကတော့
ပြောချင်တာတွေကို
မောင်းတီးပြီးပြောရတယ်၊
ကြော်ငြာရတယ်.....
အခု...မလိုတော့ဖူး....
အတင်းပြောချင်လား
သတင်းပြောချင်လား
ဆဲချင်လား
ကဲချင်လား
ဆိုချင်လား
ငိုချင်လား
ရေးချင်လား
ပေးချင်လား
မွေးပြီလား
မွေးမှာလား
သောက်မှာလား
မှောက်မှာလား
ဖော်မှာလား
ချွှတ်မှာလား
လုပ်ချင်တာလုပ်ဖို့
အခု...ရှိတယ်....
မောင်း တော့ မောင်းပဲ
ရိုးရိုးမောင်းတော့မဟုတ်
ဖွမောင်း....
ဖွဘွတ်ပေါ်တက်တက်ထုရတဲ့
ဖွမောင်း....ဒူ...ဒူ....ဒူ...ဒူ


အမေ့သား

Saturday, February 16, 2013

အမည္နာမဆိုတာ




မိဘနဲ ့တဂိုဏ္းထဲထားျပီ အာစရိယအႏြယ္ဝင္ျဖစ္တဲ ့ဆရာ.........
ကြ်န္ေတာ္ သူငယ္တန္း ေလာက္ကတဲ႔ကဆရာစီမွာ စာသင္ခဲ့ရသည။္ တခါတရံ အတန္းပိုင္ျဖစ္ျပီး
အျမဲတမ္းအတြက္ကြ်န္ေတာ္ရ့ဲ က်ဳရွင္ဆရာျဖစ္ခဲ႔ပါသည္။ စာအသင္အျပအလြန္ေကာင္းပါသည္။
ဆရာသည္ ယမကာမွီဝဲျခင္းကိုနွစ္သက္သည္။ စာေမးပြဲေအာင္တိုင္း၊ ကြ်န္ေတာ္ဆုရတိုင္း ဆရာ့အတြက္ဂုဏ္ျပဳပြဲကအေဖနဲ ့့အတူ့အိမ္မွာ ယမကာဝိုင္းဖြဲ ့ကာဧည့္ခံျခင္းပင္ျဖစ္သည္။ေနာက္ေန ့တိုင္ေအာင္
ဆရာသည္ အရွိန္ေကာင္းေနတတ္ျပီး မနက္ေက်ာင္းလာလ်ွင္ တိုက္ပံုၾကီးပခံုးေပၚတင္လို ့ေကာင္းေနတတ္သည္ကို မွတ္မိေနပါေသးသည္။
ဒါဟာ အမွတ္ရေနေသးတဲ ့ကြ်န္ေတာ့္ဆရာနဲ ့ကြ်န္ေတာ့္ရ့ဲငယ္ဘဝပါ
အဓိကေျပာျပခ်င္တာက ဆရာ႔မိသားစု အေၾကာင္းေလးပါ…..
အေဖရ့ဲ အလုပ္ရံုေလး  ေအာင္ေဇယ် (၅)လမ္းထဲ ေျပာင္းလာသည့္အခ်ိန္မွစျပီး ဆရာ့မိသားစုအေၾကာင္း ကြ်န္ေတာ္သိခြင့္ရခဲ႔သည္။ ကြ်န္ေတာ္လည္း (၁၀)တန္းေအာင္ျပီးေတာ့ တကၠသိုလ္မတက္ခင္အခ်ိန္ေလးမို ့ အေဖ့အလုပ္ရံုမွာဝင္ေရာက္ကူညီေပးေနခ်ိန္၊ အေဖ့အလုပ္ရံုသည္ ဆရာ့အိမ္နွင့္မ်က္နွာခ်င္းဆိုင္တြင္ျဖစ္သည္။
ဆရာသည္ စာေတာ္ေသာ မွတ္ညဏ္ေကာင္းေသာကြ်န္ေတာ့္ကိုေတာ့ ခ်စ္ခင္သည္။
အလုပ္ရံုစေျပာင္းျပီး အလုပ္စလုပ္တဲ ့ပထမေန ့မွာ ပထမဦးစြာၾကားလိုက္ရတဲ႔အသံမ်ားေၾကာင့္ ကိုယ္ေရာက္ေနတဲ႔ ေနရာကိုေတာင္ ျပန္ၾကည့္မိသည္။ ဘာလို ့လဲဆိုေတာ့ တိရစာၦန္ရံုမ်ား ေရာက္ေနသလားေပါ့၊
ဆရာကေတာ္၏ က်ယ္ေလာင္ေသာအသံက နားထဲ စူးရွစြာဝင္လာသည္။
ဘိုေၾကာင္၊ ဘိုက်ား၊ မိၾကြက၊္ မိယုန၊္ ပူးမ၊ ဝက္မ၊ ငႏြား အိပ္ရာကမထေသးဖူးလား…….
ေသနာေလးေတြ…. ေသနာမေလးေတြ…….. ငါ့မွာေတာ့ ေစာေစာထ ေစ်းသြားဖို ့ျပင္ရဆင္ရ
ေက်ာင္းသြားၾကဖို ့ထၾကေတာ့၊ ဟိုေသနာၾကီးကလည္း ညကအမူးေသာက္လာျပီး ခုထိမထဘူး… တစ္အိမ္လံုး အပ်င္းတက္ေနတာပဲ…  ဆရာကေတာ္ရ့ဲ ပီယဝါစာခ်စ္ဖြယ္ေသာ ဆြဲလဲသံေလးက မနက္ခင္းရဲ့ ဖြင့္ေနၾက
ေန ့စဥ္ေတးသံသာေလးတဲ ့။

သိပ္မၾကာလိုက္ ထပ္ၾကားရျပန္ျပီ။ ဘိုေၾကာင္…… မိၾကြက္ကို ေက်ာင္းသြားပို ့၊ ပူးမ………… လာစမ္း လမ္းထိပ္ေစ်းသြားဝယ္၊ ဟိုေကာင္ဘိုက်ား……….. နင့္အေဖအတြက္ အသုတ္သြားဝယ္ေပး
မိယုန္…….ထမင္းအိုးသြားၾကည့္  ေဟ့ဝက္မ….. ဟိုေကာင္ငႏြား…….စက္ေသနတ္နဲ ့ပစ္သလားေအာင္းေမ့ရတယ္
တရစပ္မရပ္မနားေျပာသြားနိုင္တဲ ့ဆရာကေတာ္ကိုေတာ့ ခ်ီးက်ဳးမိသည္။ၾကာလာေတာ့လည္း နားရည္ေလးဝလာသည္။
ေၾကာင္…က်ား….ၾကြက္….ယုန္….ဝက္….ပူး….ႏြား  
ေတာ္ေသးတယ္.. ဆရာကေတာ္ ထပ္မေမြးေတာ့တာပဲကံေကာင္းသည္။ေတာ္ၾကာ. ေမ်ာက္ေတြ ျခေသၤေတြ၊ဆိတ္ေတြ၊ဆင္ေတြပါ ပါလာနိုင္သည္။

ဒါသည္ မနက္ပိုင္းေတးသံသာပင္ျဖစ္သည္။အသီးသီးေက်ာင္းသြားေတာ့လည္း နားေအးပါးေအးျဖစ္လို ့
တရစပ္ ခ်က္ျပဳတ္ ေလ်ွာ္ဖြတ္ေနတဲ ့ဆရာကေတာ္သည္ စက္ရုပ္တရုပ္အလားထင္ရသည၊္ အကြက္ေစ့ေနတာပဲ။ ညေနပုိုင္းေလးျပန္ေရာက္လာရင္ေတာ့ ျပန္လည္ၾကားရျပန္သည။္
အေမ ဗိုက္ဆာတယ္ ဘာခ်က္လဲ……
အေမ အက်ီ ျပဲသြားျပီ……..
အေမ ဖိနပ္ျပတ္သြားျပီ……..
အေမ စာအုပ္ဖိုးတဲ့……. အေမ……. အေမနဲ ့ စီစီညံညံတစ္ေယာက္တစ္ေပါက္ေျပာအျပီး
ဆရာကေတာ္ရ့ဲ လ်င္ျမန္လွတဲ႔ လက္က ေဂါက္ကနဲ၊ ဂြပ္ကန၊ဲ ဘုန္းကနဲ၊ေဒါင္ကနဲ… ပတ္ဝိုင္းတီးသလို အားေပးလိုက္သည္။

ဟိုေကာင္ဘိုေၾကာင္… ဗိုက္ဆာရင္သြားစားေပါ့ မီးဖိုထဲမွာ……………….. ေဂါက္
ဘိုက်ား အက်ီျပဲေအာင္ ဘယ္ေလာက္ေတာင္ ကျမင္းေက်ာထသလဲ….. ဂြပ္
မိၾကြက္ ဝယ္ေပးထားတာမွမၾကာေသး…….……………………………….  ဘုန္း
မိယုန္ရယ္ နင့္အေဖက လစာမေပးေသးဖူး နင္တို ့ကတမ်ိဳး ကဲဟာ……. ေဒါင္
ေဂါက၊္ ဂြပ၊္ ဘုန္း၊ ေဒါင္  အျပီး အသီးသီးထေျပးၾကေလေတာ့သည္။

ညပိုင္းအစီအစဥ္ကေတာ့ ေကာင္းျပီးျပန္လာတဲ ့ဆရာနဲ ့ဆရာကေတာ္ရ့ဲ အျပန္အလွန္ေဆြးေႏြးပြဲအစီအစဥ္ေပါ့။ မူးလာတဲ ့ဆရာက… ခ်စ္စဖြယ္ ဆရာကေတာ္ကို ….ေဟ့ေကာင္မ ….. ထမင္းစားမယ္.  ဘာခ်က္လဲ…….
ကန္စြန္းရြက္ေၾကာ္၊ ငပိတို ့စရာ….. ဟာကြာ.. တခါလာလည္း ဒါ တခါလာလည္း ဒီဟင္း  တျခားဟင္း
မင္းမခ်က္တတ္ဖူးလားလို ့မူမူးနဲ ့ေျပာလို ့မျပီးခင္ ေသနတ္ထဲ က်ည္ထိုးသံသဲ ့သဲ ့ေလးၾကားလိုက္ရျပီး တရစပ္ပစ္သံကညအခ်ိန္မွာအစပ္မပ်က္တိုးထြက္လာေလသည္။
ေသနာရ့ဲ နင္ေပးတဲ ့လစာ တပဲေျခာက္ျပားနဲ ့ နင္က ဘာစားခ်င္ေသးလို ့လဲ…
နင္ေပးတဲ ့ဒုကၡ(၇) ေကာင္ရ့ဲ ေက်ာင္းစရိတ္ကလည္းရွိေသး…..
တေန ့တေန ့ ဘယ္လို ့စီမံေနရလဲ မေမးပဲ… … ရွင္မူးလာရင္ ေအးေအးေနစမ္းပါေတာ္၊
အဲ ့ဒါေၾကာင့္ အိမ္မျပန္ခ်င္တာ ေျပာလိုက္ရင္  ဒါပဲ….    က်က္သေရကိုမရွိဖူး…..
ေတာက္.... ျပန္လာလို ့မင္းမ်က္နွာ ျမင္ရရင္ စိတ္ကုန္တယ္၊ ဪ. ရွင္က ခုေတာ့ စိတ္ကုန္တယ္ေပါ့
အရင္ကေတာ့ မင္းမွမင္းပါပဲဆို….. ေတာ္ေသးတာေပါ့ စိတ္ကုန္လို ့စိတ္မကုန္ရင္ ထပ္ထြက္လာမဲ႔ဟာေတြအတြက္ ရင္ေလးစရာ…. ဟင္း…ဟင္း…… ရွင္ကသာ စိတ္ကုန္ေန  က်က္သေရမရွိဖူးလို႔ ေျပာေနပါ၊
အခုေနမ်ား လမ္းေလးခြဆံုမွာ ပက္လက္အိပ္ေန တေကာင္မွ ခြေက်ာ္သြားမွာ မဟုတ္ဖူး
အကုန္ဝိုင္းအားေပးလို ့ရွင္ပါ ညစာငတ္သြားမယ္။ ဆရာကေတာ္ရ့ဲ ေနာက္ဆံုးက်ည္ဆန္တေတာင့္ေၾကာင့္
ဆရာ ဘာမွမေျပာနိုင္ေတာ႔ပဲ လက္နက္ခ်ကာကြပ္ပ်စ္ေပၚမွာ ဖလက္ျပသြားေလသည္။ အိမ္ေရွ ့မွာထိုင္ေနၾကတဲ ့ သားသမီးေတြကေတာ့ အေဖ၊ အေမတိုက္ပြဲကို မထူးဆန္းၾကေတာ့ ညစဥ္ၾကားေနက် စကားလံုးမ်ားမို ့ ရိုးအီေနၾကျပီထင္ပါသည္။ ညသည္ ျပန္လည္တိတ္ဆိတ္သြားျပန္သည္၊ကြ်န္ေတာ္လည္း အလုပ္ရံုေလးပိ္တ္လို ့
အိမ္ျပန္လာခဲ႔ေတာ့သည္။ ျပန္လာရာလမ္းမွာေတြးမိသည၊္ ဪ.......သူ ့အိုးနဲ ့သူ ့ဆန္ေတာ့ တန္ေနတာေပါ့ေလ.....

တေန ့ ကြ်န္ေတာ္အလုပ္ရံုေရွ့က ထိုင္ခံုမွာထိုင္ေနတုန္း ဆရာ့သားအၾကီးဆံုးေကာင္ ေၾကာင္…... ဟုတ္တယ္ ဘိုေၾကာင္… လက္ထဲစာရြက္ေလးကိုင္လို ့ထြက္လာေတာ့ ေဟ့ေကာင္ ဘိုေၾကာင္… ဘယ္သြားဖို႔လဲကြ  
အေမ မိတၱဴကူးခိုင္းလို ့သြားကူးမလို ့ ဦးမ်ိဳးတဲ့… ..ဘာသြားကူးမွာလဲကြ…. သန္းေခါင္စာရင္းပါ ဦးမ်ိဳး
ျပစမ္းပါအံုးကြ… ဦးမ်ိဳး ၾကည့္ခ်င္လို ့ဆိုျပီး ကြ်န္ေတာ္ယူၾကည့္လိုက္ေတာ့….. ကိုယ့္ကိုကိုယ္ပစ္မလဲေအာင္မနည္းထိန္းလိုက္ရသည္၊ ဟိုက္ရွားဘား ဟုနုတ္ကထြက္က်လာသည္။
မင္းတို ့ဟာေရာ… ဟုတ္ရဲ့လားကြဟုေစာဒကတက္မိသည္။ ဟုတ္ပါတယ္ဗ်… မေတြ ့ဖူးလား… အေဖနဲ ့အေမနာမည္
သူေျပာမွ ျပန္ၾကည့္မိသည္၊ ဟုတ္ပါသည္… အေဖ ၊အေမနာမည္က ကြ်န္ေတာ့္ဆရာနဲ ့ဆရာကေတာ္နာမည္
မမွားပါ….. မွားေနတာက……….မဟုတ္ဖူး၊ မွားတယ္လို ့လည္းေျပာမရ တခါမွမၾကားဖူးေသာနာမည္မ်ား
ဘယ္သူမွမေခၚေသာနာမည္ေလးမ်ား၊ သန္းေခါင္စာရင္းတြင္ လွပစြာ အစီအရီ၊ အထက္ေအာက္ တညီတညာေလးေတြမို ့ ဆြံအစြာ ၾကည့္ျပီးေတာ့ ျပန္ေပးလိုက္မိသည္။တဆက္တည္း ပါးစပ္က  ရြတ္ၾကည့္ေနမိေတာ့သည္။

ျပည့္မႉးမႉးပိုင္ဝင္းေရႊ
ျပည့္ထူးထူးပိုင္ဝင္းေရႊ
သြန္းနဒီလင္းလက္
ယြန္းဝဒီလင္းလက္
ယမင္းေသာ္တာေရႊ
ယမင္းစႏၵာေရႊ
ျပည့္စံုေအးေရႊ ………..ဟာလွလိုက္တဲ ့နာမည္ေလးေတြ လမင္းမို ့မို ့တို ့ လြန္းထားထားတို ့
ထိုင္ငိုသြားရမဲ ့နာမည္ေလးမ်ားကိုပိုင္ဆိုင္ထားတဲ ့သူတို႔ေလးေတြကို အမ်ားသိတာကေတာ့

ဘိုေၾကာင္
ဘိုက်ား
မိၾကြက္
မိယုန္
ပူးမ
ဝက္မ
ငႏြား ……….ဆိုတဲ ့နာမည္ေလးမ်ားလႊမ္းမိုးေနခဲ႔တာကို ေက်နပ္ေနတဲ ့သူတို႔ေလးေတြ….
ငယ္ေသးလို ့ပဲ ဘာမွမေျပာေသးတာလို ့ထင္မိသည္။ ခုေတာ့ဘယ္လိုနာမည္ေလးေတြနဲ ့မ်ား ေရွ ့ဆက္သြားေနၾကသလဲဆိုတာ သိခ်င္လွသည္။ ေနာင္တခ်ိန္ျပန္ေရာက္ခဲ ့ရင္ေတာ့ သြားလည္ရင္ နာမည္ေလးမ်ားေမးၾကည့္ျပီး ကြ်န္ေတာ္သိခဲ႔ေသာ ေၾကာင္၊ က်ား၊ ၾကြက္၊ ယုန္၊ ပူး၊ ဝက္၊ ႏြားကေလးေတြကို သူတို ့ရ့ဲ နာမည္အရင္းေလးမ်ားနဲ႔သာတြဲျပီး ေတြ႔ခ်င္မိတာ၊  ကြ်န္ေတာ္ဆႏၵအမွန္ပါ 
အမွားမ်ားပါရင္ ခြင့္လြတ္ပါလို ့ဆရာကိုဦးခ်ေတာင္းပန္ရင္း..တခ်ိန္က ကြ်န္ေတာ္႔ဆရာရ့ဲမိသားစုေလးအေၾကာင္းကို
ျပန္လည္ေတြးေတာရင္း အမည္နာမဆိုတာ..........

ေလးစားစြာျဖင့္
အေမ့သား

Thursday, February 14, 2013

ထာဝရလက်ဆောင်


ဖေဖေါ်ဝါရီ (၁၄)
ဗယ်လင်တိုင်းဒေးတဲ့
ချစ်သူများနေ့တဲ့
ဟုတ်တယ်…….
ချစ်သူတွေ ခြေချင်းလိမ်လို့
နှင်းဆီပန်းတွေပေး
ချောကလက်တွေ
အပြန်အလှန်ပေးလို့
အနမ်းတွေခြွေ ကြတယ်။

ချစ်သူရယ်
ကိုယ့်အတွက်တော့
မင်းကို ပေးစရာ
နီရဲရဲနှင်းဆီပန်းလည်း
ကိုယ့်မှာမရှိပါဖူး၊
ချောကလက်ဆိုတာလည်း
ကိုယ့်မှာမရှိပါဖူး၊
ဟန်ဆောင်အနမ်းတွေလည်း
ကိုယ့်မှာပေးစရာမရှိပါဖူး …..ချစ်သူ

တခုတော့ရှိတယ်...... ချစ်သူ
ကြင်နာမှုတွေ ပြည်နှက်နေတဲ့
ကိုယ့်နှလုံးသား မင်းကိုပေးခဲ့တာ
နှစ်ပေါင်းကြာခဲ့ပြီ။
ကိုယ့်အနမ်းတွေကလည်း
မင်းအတွက်နွေးထွေးနေဆဲ
ကိုယ့်မြတ်နိုးမှုတွေကလည်း
မင်းအတွက် နုးညံ့နေဆဲ
ကိုယ့်အကြင်နာတွေကလည်း
မင်းအတွက် လတ်ဆတ်နေဆဲ
ကိုယ့်မေတ္တာတွေကလည်း
မင်းအတွက် အေးမြနေဆဲ
ကိုယ့်ရင်ခွင်ဟာလည်း
မင်းအတွက် လုံခြုံနေဆဲပါ...... ချစ်သူ

မင်းအတွက် နှင်းဆီမလိုပါဖူး
ကိုယ် ထာဝရမင်းအနားမှာရှိပါတယ်
မင်းအတွက် ချောကလက်မလိုဖူး
ကိုယ် ထာဝရမင်းအတွက်ရှိပါတယ်

မင်းကိုပေးနိုင်တာ
တခုပဲရှိတယ်...... ချစ်သူ
သူတို့တွေပြောကြတဲ့
ချစ်သူများနေ့....
ဖေဖေါ်ဝါရီ (၁၄)
ဗယ်လင်တိုင်းဒေးအတွက်
မင်းတယောက်ထဲကိုပဲ
တသက်လုံးချစ်နေမဲ့
ကိုယ့်ရဲ့ကိုယ်ကျင့်တရား
မင်းအတွက်………
ထာဝရလက်ဆောင်ပါ....... ချစ်သူ


အမေ့သား

(၁၄-၂-၂၀၁၃) (၀၀း၀၁) 





Thursday, February 07, 2013

ကြ်န္ေတာ္နဲ ့တရုတ္နွစ္ကူး

ဘာ ....... တရုတ္နွစ္ကူးကို ဆယ္ရက္ေတာင္ပိတ္မယ္၊
ဟုတ္ရဲ႔လား ...... ေသခ်ာလ္ို ့လားကြာ
မယံုတဝက္နဲ ့လာေျပာျပေသာ သူငယ္ခ်င္းကို မျဖစ္နိုင္တာကြာလို ့ျပန္ေျပာလိုက္သည္။
ကြ်န္ေတာ္ ဒီကုမ႑ီေရာက္ကတည္းက တနွစ္မွမပိတ္ခဲ ့သလို
အျမဲတမ္း အရံလူအျဖစ္ေနခဲ့ရတာ နွစ္ေပါင္းမနည္းေတာ့ပါ။
စလံုးတရုတ္၊မေလးတရုတ္ေတြျပန္သြားတိုင္း အစားထိုးလုပ္ခဲ့ရတာခ်ည္းပင္။
ဒီတခါထူးထူးျခာျခား (၁၀)ရက္ေတာင့္ဆိုေတာ့ မျဖစ္နိုင္ေလာက္ေပ။

ေနာက္ေန ့မနက္ အလုပ္က leader က email လာျပသည္။ေသခ်ာပါသည္၊
(၈)ရက္ေန ့ကစလို ့ (၁၇)ရက္ေန ့အထိပိတ္သည္တဲ ့၊
ပိုေဒါသျဖစ္တာက ခြင့္(၄)ရက္ျဖတ္ျခင္းပင္။ မဆိုင္လိုက္တာမွ လံုးဝမဆိုင္၊
ဘာဆိုင္လည္း ကန္ပနီ ပိတ္တာပဲ ပိတ္ေပါ့ (၁)လပိတ္လည္းဂရုမစိုက္ေပ၊
မျဖတ္နဲ ့မေပးနဲ ့ တရားမ်ွတသည္။ အခုေတာ့ သူတို ့ဖာသာသူတို ့ပိတ္ျပီး
ကိုယ့္ခြင့္ထဲကအျဖတ္ခံရမည္ဆိုေတာ့ ဟိုဟာ ၾကမ္းညပ္တာထက္နာသည္။
မန္ေနဂ်ာကို သြားတက္ေျပာဖို ့email စာရြက္ယူအေပၚထပ္တက္လာခဲ ့သည္။
ေဒါသေတြက ထိန္းမရေတာ့ တံခါးကို အုန္းကနဲ ့တြန္းဖြင့္ဝင္ျပီး မန္ေနဂ်ာကို
ေစ့ေစ့ၾကည့္ရင္း ရင္ထဲေအာင္းထားေသာစကားလံုးမ်ား တရစပ္ေျပာလိုက္သည္။
ကိုယ္ေျပာခ်င္တာကိုယ္ေျပာလိုက္ရလို ့အေတာ္ေတာ့ေနသာထိုင္သာရွိသြားသည္။
မန္ေနဂ်ာလည္းအံ့ၾသသြားသည၊္ တခါမွကိုယ္ဒီလို မေျပာဖူး မဆက္ဆံခဲ ့ဖူးေတာ့
သူအေတာ္နားလည္ခက္သြားေသာပံုစံျဖစ္ ကိုယ့္ကိုၾကည့္ေနစဥ္တံခါးကို တြန္းဖြင့္ျပီး
ေအာက္ထပ္ျပန္ဆင္းလာခဲ ့သည္။ ေဒါသကေတာ္ေတာ္နဲ ့ထိန္းမရ၊ဘာလုပ္မလဲ
(၁၀)ရက္ၾကီးေတာင္ ျမန္မာျပည္ျပန္တာကလြဲလို ့ရက္ရွည္ရွည္ စလံုးမွာ
တခါမွမနားဖူး၊ အံကိုၾကိတ္ျပီး ေတာက္တခ်က္ျပင္းျပင္းေခါက္လိုက္မိသည္။
လုပ္ထားအံုးေပါ့ကြာ။

အိမ္ျပန္ေရာက္ေတာ့ ဇနီးသည္နဲ ့ တိုင္ပင္ရျပီ၊
ဘာလုပ္မလဲ? ဘယ္သြားမလဲ?ဘယ္လိုအခ်ိန္ေတြကို ျဖဳန္းမလဲ?
ကံေကာင္းျခင္းေတြက တခါတေလကိုယ့္ဖက္မွာရွိေနတတ္သည္။
စေန. နဂါးအမ်ိဳးမ်ားျဖစ္တဲ ့အစ္မတေယာက္က သူ ့အိမ္ကို
လာေရာက္စားေသာက္ဖို ့ဖိတ္သည္ ရက္ က (၉-၂-၂၀၁၃)
ဟုတ္ျပီ၊...... တရက္ေတာ့အဆင္ေျပျပီ.........
သိပ္မၾကာလိုက္ အေဖစီက ဖုန္းဝင္လာသည္၊
အရင္ကန္ပနီက မန္ေနဂ်ာ ျမန္မာအစ္ကို ၾကီးအိမ္က နွစ္ကူး
ဝါးတီးတဲ ့(၁၀-၂-၂၀၁၃) အူစိုျပီးေပါ့......
ဘာပဲေျပာေျပာ(၂)ရက္ေလာက္အျပင္မွာသြားလာစားေသာက္ရလ်ွင္ပဲ
အခ်ိန္ကုန္မွန္းမသိကုန္သြားနိုင္သည္။
ေဟာဗ်ာ ရြာက သူၾကီးမင္း စလံုးေရာက္ေနတယ္တဲ့....
ဖိုးစိန္တို ့အိမ္မွာ တည္းမယ္တဲ့ တရက္ေတာ့ ရြာသားေတြနဲ ့ဆံုခ်င္တယ္ေျပာလာေလျပီ
ကိုရင္ငါးေၾကာ္၊ ကိုရင္ဘ၊ ကိုရင္ဒီဘီတို နဲ႔့လည္း ေတြ ့ခ်င္သည္ဟု သူၾကီးမင္း မိန့္သည္တဲ ့။
အားရဝမ္းသာေမးရသည္၊ဘယ္ေန ့လည္း လို ့? (၁၁-၂-၂၀၁၃) တဲ ့ ထီေပါက္သလိုေပ်ာ္သြားသည္။
(၃)ရက္စာေတာ့ အိုေကမွာစိုေျပသြားေလသည္။

ဒီေန႔မနက္ အလုပ္ကို ေနာက္က်မွေရာက္သြားသည္၊
ကျမင္းမ မိုးေၾကာင့္ အလုပ္ေနာက္က်တာ (၂)ရက္ေတာင္ရွိေလသည္၊
ေရာက္ေရာက္ျခင္းေစာက္နဲ ့ထြင္းဆိုသလို မန္ေနဂ်ာကလာပါအံုးတဲ ့........
အေပၚထပ္ကို တက္သြားေတာ့ လာ...... ထိုင္ .....မင္းကိုေျပာစရာရွိလို ့
အိုေက....ေျပာေပါ့ ကန္ပနီမွာ တရုတ္ေတြမ်ားတာ မင္းသိတယ္ေနာ္တဲ ့...
ေအးေလ.....သိတာေပါ့ သူတို႔ေၾကာင္႔ပဲ အလုပ္နားရတာေလ၊ အခုသူတို ့နွစ္ကူးမို ့ျပန္တဲ ့သူေတြမ်ားတယ္။
အလုပ္က နည္းနည္း အေရးၾကီးတဲ ့အလုပ္ေပၚလာလို ့ အဲ႔တာ မင္း ဆင္းေပးလို ့ရမလားတဲ့
(၁၃/၁၄/၁၅) တဲ ့ ဘာ.........ဆိုတဲ ့အသံက အခန္းေသးေလးထဲ အေတာ္ဟိန္းသြားသည္။
ပထမကေတာ့ တကန္ပနီလံုးပိတ္တယ၊္ကန္ပနီပိတ္တာမို ့ခြင့္ကမယူမေနရသေဘာမ်ိဳးနဲ ့ျဖတ္တာ
အခုၾကေတာ့ ေတာက္.........
ေဒါသေတြ လိမ့္တက္လာရျပန္ျပီ ၊ အခုဆီထမင္း ၊အခုမုန္ ့ဆီေၾကာ္ အမ်ိဳးမ်ိဳးလုပ္ခ်င္တိုင္းလုပ္တာကို
ျငိမ္ခံေနရင္ေတာ ့ ငယ္နိုင္ျဖစ္သြားလိမ့္မယ္ေလ၊ ဒီေတာ့ မ်က္နွာကို ေစ့ေစ့ၾကည့္ လက္သီးက်စ္က်စ္ပါေအာင္ဆုပ္ျပီး
တခြန္းထဲေျပာခဲ ့သည္။ျပီးေတာ့ အခန္းထဲက ျပန္ထြက္လာသည္။ အာရံုထဲတြင္ ဘာမွမရွိ.........
(၉-၂-၂၀၁၃) စေနသမီးရဲ့ စားေသာက္ပြဲရယ္
(၁၀-၂-၂၀၁၃) နွစ္ကူးပြဲရယ္
ရြာကသူၾကီးမင္းနဲ ့ေတြ ့မဲ ့(၁၁-၂-၂၀၁၃)ရယ္သာ စိတ္ထဲမွတ္ျပီး ျပံဳးျပံဳးၾကီးျပန္ဆင္းလာခဲ ့သည္။



ေၾသာ္.....ေမ႔လို႔ အေမ႔သား မန္ေနဂ်ာကို ေဒါသတၾကီးေျပာခ႔ဲတာေတြကို သိခ်င္မွာေပါ႔ေနာ္
ေျပာျပမယ္....ပထမတခါတုန္းက.ေဒါသေတြတအားထြက္ျပီး ေျပာခဲ႔တယ္ ဆရာရယ္
(၁၀)ရက္လံုးေတာ႔မပိတ္ပါနဲ႔ (၃-၄)ရက္ေတာ႔ ဖြင္႔ေပးပါ၊ခြင္႔ေတြလည္းမရွိေတာ႔လို႔ပါလို႔
ပိတ္ေျပာလိုက္တယ္။

ဒုတိယအၾကိမ္ၾကေတာ႔.....ဆရာရယ္ (၈း၀၀၀)ကေန(၅း၃၀)ထိပဲလား အခ်ိန္ပိုေလးေရာမပါဖူးလားလို႔
ေမးျပီး ၊ျပတ္ျပတ္သားသားပဲလုပ္မယ္လို႔ေျပာခဲ႔တာဗ်.......

အေမ႔သား (၁၃၊၁၄၊၁၅) အလုပ္ဆင္းရမယ္ဗ်ိဳ ႕

နွစ္ကူးပိတ္ရက္မွာ ေပ်ာ္ရႊင္ၾကပါေစလို႔ဆုေတာင္းရင္း


ေလးစားစြာျဖင္႔
အေမ႔သား

Saturday, January 26, 2013

ငါ့ ကိုလာမေခၚနဲ ့


ငါ မေသနိဳင္ေသးဖူး
ငါ့ အေမ ရင္ခြင္ေႏြးထဲ
တိုးဝင္လို ့ေမွးစက္
ေက်ာသပ္ေခ်ာ့ျမဴ
ေမတၱာေပးေနသမွ် .............

ငါ မေသနိဳင္ေသးဖူး
ငါ့ အေဖ လက္ရုန္း
အုပ္မိုးလို ့လႊမ္းျခံဳ
ေျပာဆိုဆံုးမေနသမ်ွ...........

ငါ မေသနိဳင္ေသးဖူး
ငါ့ နွမညီဘြား ငါ့အနား
အစ္ကိုၾကီးမို ့အဖရာ
အားကိုးေနသမ်ွ ...........

ငါ မေသနိုင္ေသးဖူး
ငါ့ ခ်စ္ဇနီး ရႈမျငီး
ငါ့ ေဘးမွာေန
ငါ့ အၾကင္နာ ေတြကို
ေထြးေပြ ့ေနသမွ် ...........

ငါ မေသနိုင္ေသးဖူး
ငါ့ မိတ္ေဆြ
ငါ့ သူငယ္ခ်င္း
ေဖးကူလို ့ လက္တြဲ
ေဆြးေႏြးတိုင္ပင္ေနသမွ်

ငါ မေသနိုင္ေသးဖူး
ငါ မေသနိုင္ေသးဖူး
ငါ့ ကို လာမေခၚနဲ ့


အေမ့သား