ပိုးဥမေမေ
နေမကောင်းလို့
ဖေဖေ အလုပ်နား
ပြုစုသည်။
မေ စားချင်တာ
ဖေ သွားဝယ်လို့
ပိုးဥလေးလည်း
စားရမည်။
တအောင့်နေရင်
ရေမိုးချိုးလို့
သနပ်ခါးလေး
လိမ်းပေးမည်။
ညနေစောင်းရင်
တိုက်အောက်ဆင်းလို့
ကျန်းမာဖို့အတွက်
လမ်းလျှောက်မည်။
ကလေးလေးတွေ
ကစားတာတွေ့တော့
ပိုးဥလေးလည်း
ကစားချင်မည်။
ပိုးဥကြီးရင်
ဖိုး နဲ့ဆော့လို့
ဖွားဖွားကလည်း
ထိမ်းပေးမည်။
တီကျစ်လာရင်
ပိုးဥလေးဖို့
အကျႍလှလှ
ဝယ်လာမည်။
ပိုးဥမွေးရင်
မိသားစု စုံလို့
ဖေ မေ ဖိုး ဖွား
ပျော်ကြမယ်။
ပျော်ကြမယ်.......
ပျော်ကြမယ်.......
အမေ့သား
၂၇-၅-၂၀၁၄
ပိုးဥ မေမေ
သနပ်ခါး
ပါးကွက်ကြားနဲ့
လှနေတယ်။
ပိုးဥကြီးရင်
ဒီလိုမျိုးလေး
ဖေဖေကိုယ်တိုင်
လိမ်းပေးမယ်။
နှာကြားလေးကို
ထင်ထင်ဆွဲလို့
ပါးကွက်ကြားလေး
ကွက်ပေးမယ်။
ဆံပင်လေးကို
စုကာစည်းလို့
နပန်းဆံလေး
ချည်ပေးမယ်။
လက်သည်းလေးမှာ
အလှဆင်လို့
ခြေသည်းနီလည်း
ဆိုးပေးမယ်။
ဖေဖေသွားရင်
နောက်ကလိုက်လို့
ကျောပိုးပြီးလည်း
ခေါ်သွားမယ်။
ဖေ့ချစ်ရင်သွေး
ပိုးဥလေးမို့
မေမေ မနာလို
ဖြစ်လိမ့်မယ်။
မေမေဆူရင်
ဖေ့စီပြေးလို့
ပိုးဥ အစား
အရိုက်ခံမယ်။
မေမေရိုက်ရင်
တို့တွေပြေးလို့
ဖွားဖွားကြီးနဲ့
သွားတိုင်မယ်။
ဖွားဖွားကြီးက
မေ့ကို ဆူတော့
တို့သားအဖ
ပျော်ကြတယ်။
မေမေငိုရင်
သမီးချော့လို့
ဖေဖေ့ကလည်း
ကူချော့မယ်။
ဖိုးဖိုး ဖွားဖွား
ပျော်ရွှင်စေဖို့
ပိုးဥလေးက
ကပြမယ်။
ကမယ်.......
ကမယ်.......
အမေ့သား
(၃-၅-၂၀၁၄)