Tuesday, March 12, 2013

ချစ်သူဖတ်ဖို့ (၂)



ချစ်သူရေ....ဒီနေ့မှာကျရောက်မဲ့
ကိုယ်တို့ရဲ့ မင်္ဂလာ(၇)နှစ်ပြည့်အမှတ်တရအတွက်....
ချစ်သူဖတ်စေဖို့ ဒီကဗျာလေးရေးလိုက်တယ်
ဒီဇာတ်လမ်းလေးထဲကလို...ဆံဖြူသွားကျိုးတဲ့အထိ
ချစ်ကြမယ်နော်.....ချစ်သူ










(၃၀-၆-၁၉၉၉)
 


ညီမလေးလို အချစ်မျိုးနဲ့ 
ချစ်ခဲ့ရပြီးမှ တိတ်တခိုး
ပေါက်ဖွား ရင်ထဲက
ချစ်စကားတွေ ဖွင့်ပြောခဲ့တဲ့ 
ရွှေသန်လျင်ကျွန်းက
ကျိုက်ခေါက်ဘုရားကိုရော
မင်းမှတ်မိသေးရဲ့လား ။ ။

မနက်ဆို (၃)လမ်းကြားကစောင့်လို့ 
မင်းကျောင်းသွားချိန်လေး
မင်းဘေးမှာမခွဲအတူနေမြဲ
မင်း ခြင်းလေးကိုဆွဲပေးခဲ့လို့ 
သူငယ်ချင်းများက
ခြင်းဆွဲလို့ ကင်မွန်းတက်
အပြုံးမပျက်ပဲ
အပါးတော်မြဲနေခဲ့တာရော
မင်းမှတ်မိသေးရဲ့လား ။ ။

မင်းကျောင်းကိုရောက်တော့
မင်းကကျောင်းထဲသွား
ကိုယ်က အဆောင်မှာဖဲရိုက်
မင်းမကြိုက်ပေမဲ့ 
မင်းပိုက်ဆံအိတ်ကိုယ့်ကိုပေးလို့ 
ဒီဖက်တခြမ်းကပဲသုံးလို့ 
ပြောခဲ့တာရော
မင်းမှတ်မိသေးရဲ့လား ။ ။

မင်းအိမ်ကိုအလည်လာ
မင်းမသိတဲ့ 
Drawingတွေ သင်ပေးရင်း
မင်းလက်ကလေးကိုကိုင်
မင်းနားမှာအတူထိုင်လို့ 
ပျော်ရွှင်ခဲ့တာရော
မင်းမှတ်မိသေးရဲ့လား ။ ။


အတန်းလစ်ပြီး
မြို့ ထဲအသွား
ပန်းဆိုးတန်းမှတ်တိုင်မှာ
မင်း အဖေ ကားထိုးအဆိုက်
မင်းကိုအတင်းတွန်းလို့ ပြေးပုန်း
ပန်းခြုံကြားက ကိုယ့်အဖြစ်ကိုရော
မင်းမှတ်မိသေးရဲ့လား ။ ။

ကထိန်မှာတူစုံယှဉ်တွဲ
ထီး သင်္ကန်း အစုံ
လှူတန်းခဲ့ ပြီး
မင်းမိဘတွေလာလို့ 
နာမည်တွေပြေးကာရတဲ့ 
ကိုယ်တို့ လမ်းက ကထိန်ပွဲကိုရော
မင်းမှတ်မိသေးရဲ့လား ။ ။

သင်္ကြန်မှာ မင်းတို့ အိမ်ကကားနဲ့ 
လျှောက်လည်ကြတော့
အေးလို့ တုန်နေတဲ့ မင်းကို
မင်းအမျိုးတွေမသိအောင်
ရင်ခွင်ထဲထွေးဖက်
အနွေးဓါတ်ပေးခဲ့တာရော
မင်းမှတ်မိသေးရဲ့လား ။ ။
..........................
..........................
..........................
မင်းမှတ်မိသေးရဲ့လား
ကိုယ့်မှာတော့ ပြောစရာတွေ
အများကြီးကျန်သေးတယ်
တူစုံလက်တွဲပျော်မြူးခဲ့တဲ့ 
ချစ်သူဘဝ (၇)နှစ်တာကာလအတွက်ပေါ့

(၁၂-၃-၂၀၀၆)
 

အခုတော့
နှစ်ယောက်တစ်ဘဝတည်ထောင်လို့ 
မင်းဘေးမှာ အမြဲတမ်းအတွက်
ကိုယ်ရံတော်တပ်မှူး၊
မင်းအနားက ထာဝရအတွက်
အပါးတော်မြဲ၊
မင်း နာမကျန်းတော့ မင်းအတွက်
အကြင်နာသမားတော်၊
မင်းစေရာ ညွန်းဖို့ အတွက်
မင်းအလိုလိုက် မင်းအကြိုက်ဆောင်ရင်း
ကိုယ့်အလိုလိုက် ကိုယ်အကြိုက်ဆောင်
သက္ကလပ်ရတုတိုင်လို့
မင်္ဂလာနှစ်ပတ်လည်
(၇)နှစ်ပြည့်ခဲ့လေပြီ။ ။

မရှိတော့လည်း အတူတူ
ရှိတော့လည်းအတူတူ
မင်းငိုရင် ကိုယ်အားပေးနှစ်သိမ့်
မင်းပျော်တော့ ကိုယ်ကြည်နုး
ကိုယ့် အတွက် မင်းက အနာဂတ်
ကိုယ့် အတွက် မင်းက လင်းရောင်ခြည်
ကိုယ့် အတွက်  ကိုယ်လိုချင်တဲ့ 
တို့ ရင်သွေး. မင်းမမွေးပေးနိုင်ပေမဲ့ 
ကိုယ် စိတ်မညစ်ဖူး ချစ်သူ
ကိုယ် အားမငယ်ဖူး ချစ်သူ
ကိုယ် ဝမ်းမနည်းဖူး ချစ်သူ
ကိုယ့်နားမှာ မင်းရှိ
မင်းနားမှာ ကိုယ်ရှိနေရင်
အရာရာပြီးပြည့်စုံပါတယ်။
သက္ကလပ်ရတုမှစပြီး
နောင်ရတုပေါင်းများစွာဖြတ်သန်းလို့ 
မခွဲအတူလက်တွဲဆက်ချစ်ကြမယ်......... ချစ်သူ


(၁၂-၃-၂၀၁၃)


အမေ့သား
(၁၂-၃-၂၀၁၃)

No comments:

Post a Comment