Sunday, September 29, 2013

ခွဲခွာခြင်းဆိုတာ.....(ညီငယ် မင်းခေါင်အလုပ်မှထွက်ခွာခြင်းအမှတ်တရ)


တကယ်တန်းကျတော့တွေ့ ဆုံကြုံကွဲ ဆိုတာလူဘဝထဲမဆန်းကျယ်လှပါဖူး။ကိုယ်.... Nutek ဆိုတဲ့ Company လေးမှာ လုပ်လာခဲ့တာ အတော်ကြာခဲ့ပါပြီ၊ပထမတုံးက ကိုယ့် company မှာ မြန်မာသိပ်မရှိဖူး နှစ်ယောက်လောက်ပဲရှိတယ်၊ ဝင်လိုက်ထွက်လိုက်လုပ်ကြတာရယ် ရုံးပိုင်းဆိုင်ရာတွေမှာမို့ 
ရင်းနှီးကျွမ်းဝင်မှု သိပ်မရှိခဲ့ဖူး။နောက်ပိုင်းမှာ ကိုယ့် ဌာနမှာရောတခြားဌာနမှာပါ
မြန်မာအင်ဂျင်နီယာတွေရောက်လာကြတယ်။အားလုံးနီးပါးကိုယ့်ထက်ငယ်ကြသူတွေသူတို့ရောက်လာတော့ စကားတွေပြော၊အလုပ်ကိစ္စတွေပြော၊သူတို့ မသိသေးတဲ့companyအကြောင်းတွေပြောပြရင်းညီအစ်ကိုတွေ ချစ်ချစ်ခင်ခင်နေလာခဲ့တယ်။ကိုယ်ကအကြီးဆုံးဆိုတော့ဆဲတန်ဆဲ၊ဆူတန်ဆူသင်စရာရှိသင်ပေးရင်းနဲ့
အချိန်ကာလတွေကို ဖြတ်သန်းလာခဲ့ကြသည်။ တခါတရံညီအစ်ကိုတွေစုပြီး စားကြသောက်ကြ
ပျော်စရာလေးအချိန်လေးတွေကိုအလုပ်ထဲစိတ်ဖိစီးအခါ ဖြေဖျောက်ခဲ့ကြတယ်။လူငယ်တွေဆိုတော့လည်း
တယောက်တမျိုးစီ၊စိတ်ဓါတ်လေးတွေမတူသလို စိတ်ပါဝင်စားမူ့ ခြင်းလေးတွေကွာတယ်၊အမြင်လေးတွေ အတွေ့ အကြုံလေးတွေလည်း ကွာခြားကြတာတွေ့ ရတယ်။ကိုယ့်အတွက် အားရှိစေလာတာက ကိုယ့်ဌာနကိုရောက်လာတာmechanicalengသုံးယောက်၊ပညာတတ်လေးတွေပါတယောက်က
မြန်မာပြည်ကMasterအင်ဂျင်နီယာ၊ကျန်တဲ့နှစ်ယောက်က မြန်မာပြည်မှာB-tech ပြီးလို့ စလုံးမှာ
ကျောင်းဆက်တက်နေတဲ့ သူတွေပါ။ တခုပဲလွဲသွားတာက ကိုယ်ကElectrical က သူတို့ က Mechnical ဖြစ်နေတာလေးတခုပါပဲ၊ ဒါဟာလည်း ပြောစရာမဟုတ်ပါဖူး ။သူတို့ ရောက်လာတော့ ကိုယ့်အတွက်အားဖြစ်စေသလို မြန်မာဆိုတာ အင်ဂျင်နီယာနယ်ပယ်ထဲအတော်များများရှိတယ်၊
မြန်မာဆိုတာအလုပ်သမားတွေကြီးမဟုတ်ဖူးဆိုတာ Company က လူတွေကို သိသာစေခဲ့ခြင်း
တခုမို့ ဂုဏ်ယူစွာလက်တွဲခေါ်ခဲ့ပါတယ်။ကိုယ်က ကျောင်းပြီးခဲ့တာက electronics ဆိုပေမဲ့ မိဘစီးပွားရေး
ဖြစ်တဲ့ mechanical ကို ငယ်ငယ်လေးထဲက အကြွင်းတဝင်ရှိခဲ့တာ၊ Mechanical ,Machine tool ဆိုတာကိုယ်တိုင်လုပ်ခဲ့ဖူးတာမို့ သူတို့ အတွက် စိတ်ကူးလေးတွေအထောက်အပံ့ပေးနိုင်ခဲ့တယ်။ စက်တလုံးစဆင်တော့မယ်ဆို သူ့ တို့ က ဒီဇိုင်းထုတ်ပြီး ကိုယ့်ဖက်က Control panel တွေလုပ်ရတယ်။ သူတို့ ဖက်က စက်လုံးပုံပေါ်ပြီဆို ကိုယ့်တွေက panel တပ်ပြီးလိုအပ်တဲ့ wiring တွေလုပ်ရတယ်။
သူတို့ နဲ့ ကိုယ့်ကြားမှာညှိနှိုင်းစရာက electrical အတွက် လိုအပ်တဲ့ bracket တွေပဲ ဘယ်လို လုပ်မယ် ဘာတွေလိုအပ်တယ်ဆိုတာကို ညီအစ်ကိုတွေ တိုင်တိုင်ပင်ပင်လုပ်တော့ကိုယ်တွေ မြန်မာအုပ်စုကို နည်းနည်းတော့ ရှိန်လာတယ် ။ဌာနမှာ တကယ်တန်းဖိုက်နေရတာက မြန်မာနဲ့ မလေးအုပ်စုပဲ၊
Companyမှာကွာခြားလာတာကတခြားမလေးအင်ဂျင်နီယာတွေဆိုတခုခုလုပ်ချင်လို့ ခေါ်ရင်
တော်တော်နဲ့ ဆင်းမလားဖူး ။update လုပ်ခိုင်းရင်လည်းချက်ချင်းမလုပ်ဖူး ၊မလုပ်တော့ နောက်တခါ စက်ထပ်လာတော့ မှားနေတဲ့ bracket တွေပဲထပ်မှာထားတော့ အလုပ်လုပ်ရတာအဆင်မပြေဖူး
ကိုယ့်မြန်မာတွေကြတော့အထက်အောက်ရိုသေမူကြီးသူငယ်သူလေးစားမူရှိတော့အကြောင်းရှိလို့ ခေါ်တာနဲ့ 
ချက်ချင်းဆင်းလာတယ်၊လိုအပ်တာလုပ်ခိုင်းရင် ချက်ချင်းလုပ်တော့ အောက်ခြေ technician တွေက သဘောကျတယ်။မြန်မာအင်ဂျင်နီယာတွေလုပ်သမျှ စက်တွေအတွက် Electrical
လုပ်ဖို့ ကတော့ကိုယ့်စီကိုရောက်တာများသလို့ ကိုယ့်ကိုပဲပေးလုပ်တယ်။ ညှိနှိုင်းတိုင်ပင်လို့ ရတာရယ် စက်အတွက် သူတို့ ခေါင်းစားစရာမလိုတာကြောင့် ကိုယ်တွေညီအစ်ကိုပဲ လုပ်ရတယ်။ အတွေ့ အကြုံ အသစ်တွေနဲ့ တွေ့ ရတာရယ် ဆင်းသက်လာတဲ့ နယ်ပယ်မတူတာတွေရှိတာကြောင့် ကိုယ့်မြန်မာ
အင်ဂျင်နီယာတွေမှာလည်းအမှားတွေပါသလို့ စိတ်ကူးစိတ်သန်လေးတွေမတူတော့အဆင်မပြေတာတွေ
ရှိကြတယ်။အဲ့ဒီအခါမျိုးဆိုရင်တော့ကိုယ်သူတို့ ဖက်ကနေ ရပ်တည်ပြီး အပင်ပန်းခံဖြေရှင်းပေးတယ်။
ကိုယ့်မြန်မာတွေအပြောမခံရအောင်အတတ်နိုင်ဆုံးကူညီပေးခဲ့တယ်။ကိုယ်သူတို့ ကိုအမြဲတမ်းပြောပြခဲ့တာ 
ကိုယ်ဘာကြောင့် ဒီ company ကိုရောက်လာတယ်၊ ဘယ်လိုရောက်လာတယ်ဆိုတာကို ကြုံတိုင်းပြောပြဖြစ်ခဲ့တယ်။ဒါဟာလည်းကိုယ်ရည်သွေးပြောချင်တာမဟုတ်ပါဖူး။ ဘယ်လိုအခက်အခဲတွေနဲ့ ဘယ်လိုတွေလုပ်ပြခဲ့လို့ အခုလို ဒီနေရာမျိုးကို ရောက်ခဲ့ရပြီး မြန်မာတွေကို အထင်မသေးရခြင်းအကြောင်းကို ပြောပြခဲ့တယ်။ ကိုယ့်လိုပဲ သူတို့ ကိုလည်းအထင်ကြီးစေချင်တယ်။
မလုပ်တတ်ဖူး၊မသိဖူးဆိုတာကို မဖြစ်စေချင်တာကိုယ့်ဆန္ဒအမှန်ပါ။ ကိုယ့်တုန်းက ဒီ company မှာ
အဌားအလုပ်သမားတရက်(၂၄)ဒေါ်လာဘဝ၊ စနေ တနင်္ဂနွေ လုပ်လည်း (၂၄)ကျပ်ဘဝနဲ့  အဆောင်မှာ
ဆင်းဆင်းရဲရဲနေခဲ့ရာက supervisor ၊ manager တွေ ကြိုက်အောင်လုပ်ပြခဲ့လို့  Spass လေးရ Company ဝန်ထမ်းဖြစ်လာ ပြီးတော့ PR ဖြစ်ရပြီး အခုလို compnay မှာ နေရာလေးတခုရလာခဲ့တာပါ။
ကြုံတိုင်းဆိုသလို ပြောပြဖြစ်တာက မင်းတို့ ကို ကူညီတာ ဘာပုဂ္ဂိုလ်ရေးမှမပါဖူး။ ဘယ်သူမို့ လို့  ဘယ်ဝှာမို့ လို့ ဆိုတာမရှိဖူး။ဒီCompanyသမိုင်းစဉ်တလျှောက်မှာ မြန်မာကနာမည်တလုံးနဲ့ နေလာတာမို့ 
မြန်မာတွေ နာမည်မပျက်အောင် မြန်မာဆိုတာ တတ်သိနားလည်တဲ့ ကောင်တွေဆိုတာ
မြန်မာဆိုတာ အလုပ်သမားတွေကြီးပဲ မဟုတ်သလို သူများတွေကို ခိုင်းနိုင်တဲ့ အင်ဂျင်နီယာတွေလည်းရှိတယ်ဆိုတာ သိစေချင်လို့ မင်းတို့ ကို တတ်စွမ်းသမျှ ကူညီထောက်ပံ့နေတာလို့ လမ်းပြသွန်သင်ခဲ့တယ်။ နောက်တခုက အေး.....မင်းတို့ ကငယ်သေးတယ် ပညာဂုဏ်နဲ့ လုပ်စားကိုင်စားရမဲ့အချိန်တွေရှိသေးတာမို့ ဘယ်တော့မှ Company တခုထဲမှာတိုးတက်မှုမရှိပဲနဲ့တော့ ဘယ်တော့မှမနေနဲ့  ပြောင်းစရာရှိတာပြောင်း ၊ ငယ်တုန်းအချိန်မှာပဲ လမ်းသစ်ဖောက်ရမှာမို့အခွင့်အရေးရရင်ပြောင်းသာပြောင်းလို့ အမြဲတိုက်တွန်းခဲ့တယ်။အခုတော့လည်း တနှစ်ခွဲဆိုတဲ့ ကာလလေးထဲမှာဆိုးတူကောင်းဖက်လုပ်လာတဲ့ ညီအစ်ကိုတွေထဲကတယောက်သောညီကတော့ အလုပ်သစ်ရလို့ လက်ပြထွက်ခွာသွားခဲ့လေပြီ။ နောင်တချိန်မှာဘယ်သူတွေထွက်ခွာလို့ ဘယ်သူတွေဆက်ရှိနေမယ်ဆိုတာ
ဘယ်သူမှမသိနိုင်ပေမဲ့ ကိုယ့်ကတော့ကိုယ့်ကျေးဇူးရှင်လည်းဖြစ်ကိုယ့်ဘဝကိုအခြေခံအလုပ်သမားဘဝကနေ အခုလိုအနေအထားမျိုးဖြစ်လာအောင်မြေတောင်မြှောက်ပေးခဲ့တဲ့ဒီcompanyမှာ သောင်တင်ကျောက်ချနေရအုံးမှာပါပဲ နောက်ဆုံးတော့လည်းကိုယ်တယောက်တည်းပဲကျန်လို့  နောင်ရောက်လာမဲ့ ရွှေညီအစ်ကိုတွေရှိခဲ့မယ်ဆိုလည်း ဝမ်းသာစွာလက်ကမ်းကြိုလို့ 
မြန်မာတွေနာမည်မပျက်အောင်၊
မြန်မာတွေနာမည်ကောင်းရဖို့ ၊
မြန်မာဆိုတာ ဘာလိုလူတွေလည်း ဆိုတာသိအောင်တော့ 
ကိုယ်....... မင်းတို့ နောက်မှရပ်လို့ လမ်းပြသွန်သင်နေအုံးမှာပါကွာ။

အမေ့သား
(၂၉-၉-၂၀၁၃)
ညီငယ် မင်းခေါင်ထွက်ခွာခြင်းအမှတ်တရ

No comments:

Post a Comment