Saturday, December 20, 2014

သံယောဇဉ်ကြိုး


တမျှင်ခြင်း ရစ်ပတ်
တရစ်ခြင်း တုပ်နှောင်
ရုန်းထွက်မရအောင်
ခိုင်မြဲတဲ့အရာ
သံယောဇဉ်လွန်းတင်ထိုး
ကြိုးသုံးကြိုး ရစ်ပတ်သမျှ
ကျွန်တော်ရုန်းမထွက်နိုင်တာ
မဆန်းပါဘူးဗျာ။

အမေ့သား

Tuesday, December 16, 2014

အကြည့်

အကြည့်တချက်
တွယ်ငြိကာသက်ဆင်း
မာယာမပါတဲ့ကျော့ကွင်း
ကျွန်တော်ကိုယ်တိုင်
လည်စင်းပေးခဲ့တာ။

အမေ့သား


Saturday, December 13, 2014

နှလုံးသားရဲ့ အတွင်းတနေရာ

ဇနီးပါးပြင် တချက်နမ်း
သမီးပါးပြင် တချက်နမ်း
ဤသည်ကာ နေ့ စဉ်အမှု

နှေးတုံ့ခြေလှမ်းတို့ ဖြင့်
အလုပ်ကိုသွားသော်ငြား
စိတ်အစဉ်သွင်ပြင်သည်
အရိပ်လို တွဲကပ်လျက်
သူတို့ အပါးမှာ ခစား

တရစ်ခြင်း ရစ်ပတ်မိတဲ့
သံယောဇဉ်ကြိုးများသည်
ပူလောင်ခြင်းကင်းမဲ့ကာ
မေတ္တာစိတ်များနဲ့ ပြည့်နှက်
ဤသည်ကာ သဘာဝ

သဘာဝပင် ဖြစ်လင့်ကစား
ကိုယ့်အတွက် ထူးခြားဖြစ်စဉ်
စောင့်စားခဲ့ရတဲ့ မျှော်လင့်ချက်
အမြဲမက်ခဲ့ရတဲ့ အိပ်မက်တခုမို့ 
ဤသည်ကာ
တန်ဖိုးမဖြတ်နိုင်သော
ကျွန်တော်ရဲ့ နှလုံးသား
အစိတ်အပိုင်းများတည်။

အမေ့သား

Wednesday, December 03, 2014

သမီးလေးနဲ့ တနေ့ တာ (သို့ ) ပီတိစားခဲ့ရတဲ့နေ့ 


လှုပ်ရှားရုန်းကန်သံ သဲ့သဲ့ကြားတော့ မျက်လုံးအစုံနဲ့ ကျင့်သားရနေတဲ့ နားက အလိုလို ဖွင့်လျက်သား။ကုတင်တဖက်အခြမ်းမှ အပြန်အလှန်ပစ်ခတ်နေသောအသေးစားတိုက်ပွဲတခုတဖက်က ဒါလေးကုန်အောင်စို့ပါ သမီးရယ်ဆိုတဲ့ အမေနဲ့ တဖက်ကလည်း ကော့ကန် ထိုးလို့ ထိန်းမရအောင် ရုန်းကန်နေတဲ့သမီး။

ထိုတိုက်ပွဲဆိုတာက နေ့ စဉ်မြင်တွေ့နေကြ ၊ ဘာမှမထူးဆန်းလှသောမြင်ကွင်းတခု ဒါပေမဲ့ ထူးဆန်းနေတာက ကျွန်တော်စိတ် ဒီနေ့ က သမီးလေးနဲ့ သားအဖနှစ်ဦးထဲ အိမ်မှာနေခဲ့ရမဲ့နေ့ ။

မနေ့ ကတည်းက သမီးရဲ့ တနေ့ တာကို သူ့ အမေစီက အနီးကပ်လေ့လာသင်ယူထားပြီးသား ညအိပ်တော့လည်း ဘာပြီးရင် ဘာလုပ်ရမယ်ဆိုတာက အိပ်မက်ထဲ တောင်အစီအရီတခုချင်း ထင်ထင်ရှားရှားမို့ အထူးတလည်မဖြစ်တော့  ဖြေဆိုရမဲ့ ဘာသာအတွက် ပိုင်နိုင်နေသော ကျောင်းသားတယောက်လို ခေါင်းမော့ရင်ကော့ကာ အိပ်ရာကထပေါ့။

မျက်နှာသစ်ပြီးချိန်မှာ သမီးလေးလည်း နို့ စို့ ပြီးသွားတော့ ပြန်လည်အိပ်ဖို့ တာစူနေလေပြီ။သူ့ အမေက  စိတ်မချသလို ဘာပြီးရင် ဘာနော် ဘာလုပ်ရမယ် ၊ ကလေးက ဘယ်လို ဘာနဲ့ ဘယ်လို ဘာဖြစ်မယ်၊ဘာလုပ်ရမယ် ဘာချင်းထပ်ရင် ပေါက်ပေါက်လည်းဖောက် အလုပ်သွားဖို့ လည်း ပြင်ဆင်လို့  မနားတမ်းပြောဆိုနေပေမဲ့ ကျွန်တော်ကတော့ တိုက်ပွဲပေါင်းများစွာတိုက်ခဲ့ပြီးတဲ့ စစ်သူကြီးတယောက်လို ခေါင်းမော့ရင်ကော့ပြီး အေးပါကွာ.......စိတ်ချစမ်းပါ အလုပ်ကိုသာ အေးဆေးသွားပါဆိုပြီး၊တခါးဖွင့် အတင်းတွန်းထုတ်ရင်း သမီးကို ပုခက်ထဲထည့်လွဲရင်းနဲ့။

ပထမဆုံး ကျွန်တော် ဖုန်းကိုယူပြီး  Alarm set လုပ်လိုက်တယ်။သုံးနာရီခြားတခါမို့  10:30 /1:30/4:30/7:30 ဆိုပြီး
set လုပ်လိုက်တယ်။ပြီးတာနဲ့ အိပ်ရေးမကျတကျဖြစ်နေတဲ့သမီးကို အစီအစဉ်မကျသော တေးပေါင်းချုပ်နဲ့
ချော့သိပ်ရင်း မေးခွန်းတွေကို ပြန်လည် စီစစ်မိတယ်။နိုးလာရင် လုပ်ရမှာက သမီး ကို ရေချိုးပေးရမယ်။ ပြီးမှ နို့တိုက်ရမယ်၊ နို့ တိုက်ပြီးရင်ဆိုတဲ့ ကျွန်တော့်အတွက်အဖြေတွေက တချက်ချင်းပေါ်လာတော့။

အိပ်မောကျသွားတဲ့ သမီးကို လွဲပေးခဲ့ပြီး၊အခန်းထဲသွား အနှီးတထည်ယူ ကုတင်ပေါ်သေသပ်စွာခင်း သမီးဗီဒိုထဲကရေချိုးပြီးဝတ်ဖို့ အကျီင်္ဘောင်းဘီရွေးထုတ်ပြီး အနှီးဘေး မှာထား   ဟုတ်ပြီ... 
ဘေဘီလိုးရှင်းဗူး၊ဒိုက်ဗာ၊ ဒိုက်ဗာကရင်၊သမီးရေသုတ်ဖို့ မျက်နှာသုတ်ပုဝါတထည်။ရေချိုးဖို့ အတွက်က ရေချိုးကန်ရယ်၊ရေချိုးဇလုံရယ်ကို သန့်ဇင်ဆေးကြောပြီး အဆင့်သင့်ပြင်ထား ရေချိုးကန်နားမှာသမီး    ရေချိုးဆပ်ပြာ ခေါင်းလျှော်ရည်ဗူး၊ရေလောင်းဖို့ ခွက်ကလေးတလုံးထားပြီးတော့ သမီးမျက်နှာသစ်ဖို့  ပုဝါသေးသေးနုနုလေးတထည်။

ဒါဆို ပြည့်စုံပြီးပေါ့ ဘာလိုသေးလဲ နို့ ဗူး ဖျော်ရမယ် သမီးက နိုးတာနဲ့ ဆာတတ်တယ်  အခုကရေချိုးပြီးမှ တိုက်ရမှာဆိုတော့ ပိုဆိုးမယ်၊တခါတည်း ကြိုဖျော်ထားမှရမယ် ။နို့ ဗူးပေါင်းထားတဲ့ အထဲက
နို့ ဗူးတဗူးယူ ပြီး ရေကျက်အေးရယ် ရေနွေး လေးရယ်ကို 80ml ထည့် နို့ မှုန့် ကတော့ သူ့ အမေ
ပြင်ဆင်ထားပေးပြီးသား လောင်းထည့်လိုက်ရုံ အဆင်သင့် အရာအားလုံးဟာပြည့်စုံလေပြီ။

နာရီကြည့်လိုက်တော့ ဆယ်နာရီခွဲကာနီးလေပြီ သိပ်မကြာလိုက် ဖုန်းကနေ alarm မြည်လာလေပြီ
အသာလေး သမီးပုခက်နား သွားကြည့်တော့ မျက်လုံးလေး ပုတ်ခတ်ပုတ်ခတ်နဲ့ နိုးနေလေပြီ။သမီးလေးကို ပုခက်ထဲကချီထုတ်ပြီး ရေလေးနည်းနည်းတိုက်လို့  လန်းဆန်းသွားအောင်ခဏလေး နေပြီးတော့ ကျွန်တော်တို့ သားအဖ ရေချိုးဖို့ စတင်လှုပ်ရှားရပြီပေါ့။

ရေချိုးဇလုံထဲ ရေအေးရေနွေးစပ်ပြီး ရေချိုးကန်ထဲ တဝက်ခွဲပြီး ထည့်ထားလိုက်တယ်။ သမီးလေးကတော့
သူ့ ကုတင်လေးထဲရုန်းကန်နေဆဲပေါ့။ သမီးလေးကို သွားချီလာခဲ့ပြီးမျက်နှာလေးကို အရင်သစ်ပေးလိုက်တယ်
ငြိမ်သက်နေတဲ့သမီးလေး ကြက်သီးနွေးရေ ကြောင့် ပိုမိုလှုပ်ရှားလာတယ်။ ကျွန်တော်လည်းသမီးလေး ပိုးတုံးလုံးကိုယ်လေးကို ပွေ့လို့ ရေချိုးကန်လေးထဲ ခြေထောက်လေးကစပြီး ဖြည်းဖြည်းချင်းထည့်တော့ရုန်းကန်မှု    တွေနဲ့အတူတချက်အော်ရင် ရေကို စုံကန်နေတော့တယ်။ တအောင့်လောက်ကြာတော့ ငြိမ်သက်ရင်း ရေကြိုက်တဲ့သမီးက ရေထဲမှာမြူးတူးနေတယ်။ သန့် ရှင်းရေးလေး အကုန်လုပ်ပေးဆပ်ပြာတိုက်ပြီး။ရေပြန်လောင်းပေး သဘက်နုနုလေးနဲ့ ပွတ်ပေးပြီးတော့ ရေချိုးဇလုံးဖက်ကိုပြောင်းရေနွေးလေးနဲ့ နောက်ဆုံးပိတ်ချိုးပေးပြီးသဘက်ကလေးနဲ့ သမီးကိုပတ်လို့ ကုတင်ကိုပြန်လာ ရေခြောက်အောင် သုတ်ပေးပြီး တကိုယ်လုံး ဘေဘီလိုးရှင်းလူးပေး  အကျီင်္ဝတ်ပေး၊ဒိုက်ဗာကရင်လေး လိမ်းပေး၊ဒိုက်ဗာပတ်ပေး ဘောင်းဘီလေးဝတ်ပေးပြီးသွားတာနဲ့ သမီးလေးနွေးထွေး အောင်ရင်ခွင်ထဲ ခဏထွေးပွေ့ထားလိုက်တယ်။

သိပ်မကြာလူးလွန့် လာပြီ။ ဒါဆိုသူလေး ဆာပြီပေါ့ သမီးကိုကုတင်ပေါ်မှာခဏထား နို့ ဗှုးစီသွားလို့  နို့ မှုန့် လောင်းထည့်ပြီး ရှိုတ်လုပ်ပြီး နွေးမနွေးစမ်းသမီးစို့ နိုင်တဲ့ အနေတော် အနွေးလေးမို့  သမီးစီပြန်လာ သမီးကိုချီ လည်ပင်းမှာသွားရည်ခံ လေးတပ်ပြီး နို့ စတိုက်တော့တာပေါ့။ဆာနေတဲ့သမီးနို့ စို့ တာကိုကြည့် ပီတိအဟုန်နဲ့ ကျွန်တော် မေးခွန်း တဝက်ဖြေဆိုနိုင်ခဲ့ပြီမို့ ကျေနပ်ပီတိဖြစ်နေမိခဲ့တယ်။ဒီလို နဲ့ ပဲ သုံးနာရီခြားတခါ နို့တိုက်ရင်းသမီးလေးကို ပုခက်ထဲထည့်သိပ်ရင်အစီအစဉ်မကျသောသီချင်းများဟစ်ဆိုရင်းနဲ့ အချိန်တွေက ကုန်ဆုံး ကျွန်တော်လည်း မေးခွန်းတော်တော်များများဖြေဆိုလို့ ပြီးခဲ့ပြီ။

ညနေစောင်းလေပြီ။ ညဥ့်ဌက်တို့ အိမ်ပြန်ချိန်နဲ့အတူ သမီးလေး လူးလွန့် ကာနိုးလာပြီ  ဖုန်းကလည်း
နောက်တကြိမ်  နို့ တိုက်ဖို့  အသံမြည်လာတော့ သမီးကို ချီပိုး ကုတင်ပေါ်ခဏတင်လို့  လုပ်နေကျအတိုင်း ဒိုက်ဗာလဲဖို့ အဖွင့် ခဏတာ တိတ်ဆိတ် ကျွန်တော်နဖူးမှာ ချွေးစေးများ ပြန်လာပြီ ကျွန်တော်မကျက်ခဲ့သော
ပုစ္ဆာ မလာနိုင်လောက်ဖူး ထင်ထားသောမေးခွန်းတခု  ဟားဟား သမီးလေး အီးအီးပါထားပြီ။။
တနေ့ ကုန်စို့ ထားသော နို့ များကြောင့် နို့ ချဉ်နံ့ သင်းသင်း အီးအီးနဲ့ သမီးကို ကြည့်ရင်း ကျွန်တော်ပျာယာခတ်လေပြီ။

ဟုတ်ပြီ........ အရံသင့်ရှိတဲ့သမီးပစ္စည်းတွေ ထားတဲ့ခြင်းကိုယူပြီး  တစ်ရှုးအကြီးထုတ်ကိုဆွဲထုတ်ပြီး
သမီးကို ခြေထောက်လေးနှစ်ချောင်း ကမပြီး ပါးစပ်ကနေ အင်းအင်းလို့ အော်ပေးလိုက် တစ်ရှုးနဲ့ တချက်သပ်ချလိုက် အင်းအင်းလို့  အော်ပေးလိုက် သပ်ချလိုက်နဲ့ ဒိုင်ဗာထဲ အပြည့်ပဲ သိပ်မကြာလိုက် သမီးလေးငြိမ်ပြီး ရှုးရှုးပေါက်တော့သည်။ ဒါဆိုသေချာပြီ ကိုယ်မကျက်ထားပေမဲ့ ဖတ်မိတဲ့စာတကြောင်း ရှုးထွက်မှ အီးပြီးတာတဲ့ သမီးလေး အီးအီးပြီးလေပြီ။ ရေစိုတစ်ရှုးထုတ်သမီးကို သန့် ရှင်းပေးပြီး ဒိုင်ဗာကိုအလိုက်သင့်ခေါက်သိမ်းလိုက်တော့
ပူနွေးနွေး အထုပ်ကြီးတထုပ်ဖြစ်သွားတယ်။ပြီးတာနဲ့ ဒိုင်ဗာကရင်ပြန်လိမ်းပေး ဒိုင်ဗာပြန်ပတ်ပြီးတဲ့အချိန်မှာ
ခြေကားယားလက်ကားယားလေးနဲ့နေသာထိုင်သာရှိသွားတဲ့ သမီးရဲ့ဂူးဂူးဂဲဂဲအသံနဲ့အတူ အဲယားကွန်းခန်းထဲ
ချွေးပြန်နေတဲ့ ကျွန်တော်တယောက် ပီတိ တွေတပွေ့နဲ့ ငါအောင်မြင်ခဲ့ပြီ လို့  နူတ်မှတိုးတိုးရွတ်မိတော့တယ်။

ကဲနောက်ဆုံးပိတ် နို့ တိုက်ရမဲ့ အချိန်ကိုစောင့်စားရင်း သူ့ အမေပြန်လာတာကို စောင့်မျှော်ရင်း သမီးနဲ့အတူ
စကားပြောလိုက်  ဆော့လိုက်နဲ့ ရယ်မောမြူးတူးနေသောသမီးပါးပြင်လေးကို ခပ်ဖွဖွလေးနမ်းလိုက်တယ်။Alarm အသံနဲ့အတူ ကျွန်တော်ရဲ့စာမေးပွဲပြီးဆုံးချိန်လည်းနီးကပ်လာတော့သည်။ သမီးအတွက် နို့တဗူးဖျော်လို့  သမီးကိုနိုတိုက်ရင်း မနက်ကနေ ညနေအထိ သမီးနဲ့ အတူနေ သမီးရဲ့ကိစ္စလေးတွေကို လုပ်ပေးတာတွေ ပြန်လည်တွေးရင်ကျွန်တော်တချက်ပြုံးလိုက်မိတယ်။

ထိုအချိန်မှာပဲ အဖြေလွှာစာရွက်သိမ်းမဲ့ဆရာမရောက်ရှိလို့  လာခဲ့လေပြီ။
သမီးရဲ့ မေမေ အလုပ်ကပြန်လာလေပြီ။ သမီးလေးလည်း နို့ ကုန်သွားပြီသမီးကို သူ့ မေမေလက်ထဲထည့်ရင်း
ကိုယ်ဖြေဆိုခဲ့သော မေးခွန်းတွေအကြောင်း  ပီတီအပြုံးနဲ့ ပြောပြရင်း သမီးမေမေရဲ့ ဆုအဖြစ်ပေးသော
အနမ်းဆုတပွင့်ကို လက်ခံရင်း ကျွန်တော် သမီးရဲ့ ဖေဖေ ပီသခဲ့ပြီ။ သို့ မဟုတ် သမီးလေးနဲ့ တနေ့ တာ
ပြီးဆုံးခဲ့လေပြီ။


လေးစားစွာဖြင့် 

အမေ့သား