ဇနီးပါးပြင် တချက်နမ်း
သမီးပါးပြင် တချက်နမ်း
ဤသည်ကာ နေ့စဉ်အမှု
နှေးတုံ့ခြေလှမ်းတို့ဖြင့်
အလုပ်ကိုသွားသော်ငြား
စိတ်အစဉ်သွင်ပြင်သည်
အရိပ်လို တွဲကပ်လျက်
သူတို့အပါးမှာ ခစား
တရစ်ခြင်း ရစ်ပတ်မိတဲ့
သံယောဇဉ်ကြိုးများသည်
ပူလောင်ခြင်းကင်းမဲ့ကာ
မေတ္တာစိတ်များနဲ့ ပြည့်နှက်
ဤသည်ကာ သဘာဝ
သဘာဝပင် ဖြစ်လင့်ကစား
ကိုယ့်အတွက် ထူးခြားဖြစ်စဉ်
စောင့်စားခဲ့ရတဲ့ မျှော်လင့်ချက်
အမြဲမက်ခဲ့ရတဲ့ အိပ်မက်တခုမို့
ဤသည်ကာ
တန်ဖိုးမဖြတ်နိုင်သော
ကျွန်တော်ရဲ့နှလုံးသား
အစိတ်အပိုင်းများတည်။
အမေ့သား
No comments:
Post a Comment