အတွေ့အထိလေးတခု
ကိုယ့်ပေါ်ရောက်လာ
ရုတ်တရက် လန့်နိုး
ကိုယ်ကြည့်လိုက်တော့
အိပ်မောကျနေတဲ့
ကိုယ့်ပန်းချီကားနှစ်ချပ်
ဆေးရေးကောက်ကြောင်း
အရောင်အဆင်း တူညီ
ပွင့်ဖူးဝေဆာနေသော
နူတ်ခမ်းပန်းလေး နှစ်ပွင့်။
တချိန်က တသသကြည့်
ရေးဆွဲချယ်မှုန်းခဲ့သော
နှလုံးသားပုံတူ ပန်းချီကား
ထိုနည်းတူစွာ ဖြစ်တည်ခဲ့တဲ့
ဒုတိယမြောက်ပန်းချီကား
ဒီပန်းချီကားနှစ်ချပ်ဟာ
အံ့သြစွာ တူညီလို့နေ
ကိုယ့်နှလုံးသားပုံတူဟာ
ပန်းချီကားသာ နှစ်ချပ်ဖြစ်ပေမဲ့
ခွဲခြားမရတဲ့ တခုတည်းသော
ကိုယ့်ရဲ့ အသွေးနဲ့ အသား။
ကိုယ့်ရဲ့
အသွေးနဲ့ရေးချယ်ခဲ့တဲ့
အသား ကင်းဘတ်ပေါ်က
သွေးပန်းချီကားလေးနှစ်ချပ်
အပြစ်ကင်းစွာ အိပ်မောကြနေတယ်။
အမေ့သား
၁၈/၁၁/၂၀၁၄
ပြင့္အံထြက္လာေသာ ရင္တြင္းခံစားခ်က္ ပန္းခ်ီကားႏွစ္ခ်ပ္..
ReplyDeleteတစ္ရစ္ခ်င္းပတ္ေႏွာင္ထားတဲ့ သံေယာဇဥ္ ကဗ်ာေကာင္းေလးတစ္ပုဒ္ ဖတ္သြားၿပီ အေမ့သားေရ။